ពាក់​​អាវក្រោះ​ទាំង ៨នេះ​ហើយ Smartphone ​របស់​អ្នក​នឹង​​​មាន​សុវត្ថិភាព​ខ្ពស់ hacker មិន​​ងាយ​វាយ​ប្រហារ​បាន​ឡើយ!​



ស្មាតហ្វូនតម្លៃធូរ ឬថ្លៃរាប់ពាន់ដុល្លារក៏ដោយ ប្រសិនលោកអ្នកមិនមានវិធីសាស្ត្រក្នុងការគ្រប់គ្រងផ្នែកប្រព័ន្ធ ឱ្យមានសុវត្ថិភាពខ្ពស់ទេ នោះវានឹងងាយស្រួលត្រូវគេលួចយកទិន្នន័យសម្ងាត់។ រឿងកាន់តែព្រួយបារម្ភនោះ គឺពាក់ព័ន្ធនឹងគណនីហិរញ្ញវត្ថុរបស់អ្នក អាចត្រូវ hacker លួចប្រាក់តែម្ដង។ ដូច្នេះ ទំព័រនេះយើងសូមលើកយកគន្លឹះសាមញ្ញ ៨ចំណុចខាងក្រោម ដើម្បីធ្វើឲ្យស្មាតហ្វូនមានសុវត្ថិភាពខ្ពស់៖

4742-MLAQ-8-common-sense-tips-to-keep-your-smartphone-secure-full-column-desktop-con-620x430-main

១) ការពារមិនត្រូវឱ្យចំណាយដដែល ក្នុងការទិញស្មាតហ្វូនថ្មី តាមរបាយការណ៍ពីគេហទំព័រ Verizonwireless ឱ្យដឹងថា ក្នុងមួយថ្ងៃៗ មានទូរស័ព្ទប្រមាណ ២០ម៉ឺនគ្រឿងបានបាត់ ដោយការលួច ឬខូច។ លោកអ្នកធ្លាប់តែមានស្មាតហ្វូនលេង នៅពេលបាត់ នោះប្រាកដជាអផ្សុក ធុញទ្រាន់ ហើយនឹងចំណាយប្រាក់ទៅទិញស្មាតហ្វូនថ្មីមកប្រើ។ ទាំងការបាត់ និងការខូចដែលបណ្ដាលមកពីមេរោគ គឺសុទ្ធតែអាចបង្ការបាន។ ការប្រើប្រាស់ស្មាតហ្វូនគួរជ្រើសរើសកន្លែងដែលមានសុវត្ថិភាព ទើបដកស្មាតហ្វូនចេញពីហោប៉ៅ ឬកាបូបមកចុច ឬនិយាយ។ ការប្រើនៅតំបន់អសុវត្ថិភាព ពិសេសគឺនៅពេលធ្វើដំណើរការតាមម៉ូតូតែម្ដង ត្រូវមានការប្រុងប្រយ័ត្នឱ្យខ្ពស់ជៀសវាងកើតមានករណីចោរឆក់ទូរស័ព្ទ។ ចំណែកទូរស័ព្ទខូចមកពីមេរោគនោះ លោកអ្នកក៏អាចការពារបាន ដោយប្រើកម្មវិធីកម្ចាត់មេរោគដូចជា McAfee ជាដើម។ វាអាចការពារបានទាំងមេរោគប្រភេទ malware និងក្រុម digital threats ផ្សេងៗ។ មុខងារផ្សេងៗដែលមានប្រយោជន៍មានដូចជា៖ ត្រូវចាក់សោជាមួយលេខកូដសម្ងាត់ ប្រើមុខងារមើលទីតាំង កំណត់ឱ្យមានសំឡេងរោទ៍ និងមុខងារដែលមានលទ្ធភាពអាចជួយសង្គ្រោះទូរស័ព្ទនៅពេលបាត់។ ២) ប្រើលេខកូដសម្ងាត់ Pin, Password ឬលេខសម្ងាត់ទម្រង់ Pattern ដើម្បីចាក់សោទូរស័ព្ទ ការកំណត់មានភាពងាយស្រួលនោះទេ សម្រាប់ស្មាតហ្វូន Android អ្នកអាចចូលទៅ Location & Security Settings និងចូលតាមជំហានបន្តបន្ទាប់តាមការបញ្ជាក់ជាអក្សរ។ សម្រាប់អ្នកប្រើ iPhone ឬ iPad អាចស្វែងរកមុខងារនេះនៅក្នុងជម្រើស Settings ផ្នែក General បាន។ ៣) ទាញយក (download) កម្មវិធីចេញតែពី Store ដែលអាចទុកចិត្តបាន បណ្ដុំកម្មវិធីចេញពី Store ដែលអាចទុកចិត្តបាន ថាមានសុវត្ថិភាពខ្ពស់នោះគឺ App Store របស់ Apple និង Play Store របស់ក្រុមហ៊ុន Google តែម្ដង។ ចំពោះការទាញយកកម្មវិធីពីប្រភពផ្សេងទៀត គឺមិនសូវ ឬមិនមានសុវត្ថិភាពឡើយ។ ដូច្នេះហើយ ទើបការប្រើកម្មវិធីប្រឆាំងមេរោគ នឹងជួយទប់ទល់បានមួយកម្រិត។

Cell_phone_security-1_540x360

  ៤) ធ្វើការ Back up ទិន្នន័យសំខាន់ៗទុក ការរក្សាទុកតាមវិធីសាស្ត្រ Backup គឺដើម្បីសុវត្ថិភាពឯកសារសំខាន់ៗរបស់អ្នក ជៀសវាងបាត់បង់ដោយប្រការណាមួយ មិនថា ខូច ឬបាត់ទៅតាមស្មាតហ្វូនដែលចោរលួចក៏ដោយ។ យើងសូមណែនាំកម្មវិធីចំនួនពីរដែលមានសមត្ថភាពខ្ពស់នោះគឺ Backup Assistant Plus និង Version Clouds។ វាមានលក្ខណៈ ងាយស្រួលក្នុងការប្រើប្រាស់ ហើយអាច backup ដូចជា contact, music, pictures, video និង documents ទៅកាន់សេវាកម្ម Cloud។ ៥) រក្សាប្រព័ន្ធដំណើរការ និងកម្មវិធីឱ្យមានបច្ចុប្បន្នភាពថ្មីជានិច្ច ជាទូទៅ ស្មាតហ្វូន ឬថេប្លេតរបស់អ្នកដំណើរការដោយប្រព័ន្ធសូវហ្វ៊ែរ ហើយវាអាចជាផលិតផលរបស់ក្រុមហ៊ុនធំៗដូចជា Apple, Google, Microsoft … ដែលក្រុមហ៊ុនទាំងនេះនឹងផ្ដល់កញ្ចប់អាប់ដេតក្នុងរយៈពេលកំណត់មួយ ដើម្បីឱ្យឧបករណ៍ដំណើរការទាន់សម័យ។ ក្រៅពីនេះ ក៏នៅមានបណ្ដាកម្មវិធីទូរស័ព្ទផ្សេងៗទៀត ដែលនឹងអាចអាប់ដេតបានតាម Apple Store, Play Store, Windows Store ជាដើម។ ៦) ចាកចេញ (Log out) ពីគេហទំព័រទាំងឡាយ បន្ទាប់ពីលោកអ្នកបានដំណើរការប្រព័ន្ធបង់ប្រាក់ផ្សេងៗ (payment) លោកអ្នកត្រូវចាកចេញ ឬ Log out ពីគេហទំព័រដែលអ្នកបានដំណើរការប្រព័ន្ធបង់ប្រាក់ ជៀសវាងអ្នកដទៃលួចប្រើប្រាស់ ព្រោះមានករណីលួចប្រើគណនីធនាគារ ដោយសារអ្នកដទៃ ឬមិត្តភ័ក្ដិដែលមិនល្អ ឬចោរដែលបានលួចទូរស័ព្ទយកទៅ។ ៧) បិទ (Turn off) មុខងារ Wi-Fi និង Bluetooth នៅពេលឈប់ប្រើ អ្នកប្រហែលធ្លាប់គិតថា បើក Wi-Fi ចោល ងាយស្រួលទៅដល់ទីតាំងដែលមាន Wi-Fi អ្នកធ្លាប់ភ្ជាប់ នោះវានឹងភ្ជាប់ដោយស្វ័យប្រវត្តិ ប៉ុន្តែនេះក៏មានហានិភ័យដែរ។ ក្រុម hacker អាចប្រើវិធីសាស្ត្រនេះភ្ជាប់ Wi-Fi ឬ Bluetooth របស់អ្នក ដើម្បីលួចយកឯកសារសម្ងាត់បាន។ ៨) ជៀសវាងពីការឱ្យព័ត៌មានផ្ទាល់ខ្លួនទៅអ្នកផ្សេង មិនត្រូវឱ្យព័ត៌មានផ្ទាល់ខ្លួនរបស់អ្នកទៅអ្នកផ្សេង មិនថា អ្នកមិនស្គាល់ ឬមិត្តភ័ក្ដិឡើយ។ យើងមិនអាចទាយចិត្តមនុស្សបានឡើយ គេអាចប្រើព័ត៌មានដែលអ្នកប្រាប់ ទៅភ្ជាប់ចូលគណនីផ្សេងៗ និងសូម្បីតែគណនីពាក់ព័ន្ធធនាគារផងដែរ៕