ចង្កឹះប្រើផ្លូវកាត់ “Ctr + Alt + Del” និង “Alt + F4” មកដល់ពេលនេះ អាចលែងមានអ្វីជារឿងអាថ៌កំបាំង និងចាប់អារម្មណ៍នោះឡើយ ដោយសារគេបានស្គាល់វាច្រើនមកហើយ។ យ៉ាងណា នៅមាន shortcut យ៉ាងច្រើនទៀត ដែលកម្រមានអ្នកស្គាល់អស់ណាស់ ដែលបានបែងចែកការប្រើទៅតាមកម្មវិធី និងសេវាកម្មផ្សេងៗ។ តោះមកអនុវត្ត shortcut មានប្រយោជន៍ទាំងអស់គ្នាខាងក្រោម៖ +Shortcut សម្រាប់ប្រើជាមួយ Google Chrome៖ ១) ដើម្បីបើក task manger មានស្រាប់នៅលើកម្មវិធី Chrome នោះ ត្រូវចុច Shift + Esc។

២) ចុច Shift + Delete ដើម្បីលុប specific suggestion ដោយចុចលើ suggestion ជាមុន។ ៣) ដើម្បីបញ្ចូលបំបែក Tab ផ្សេងៗលើសពីមួយ ឬបញ្ចូល tab ដែលបានបំបែកចេញ មកលើផ្ទាំងកម្មវិធី Chrome តែមួយវិញ អ្នកត្រូវចុច Ctr + Click ទៅលើ Tab ដើម្បីអូសចេញ អូសបញ្ចូល។

៤) ដើម្បីរំកិលមកផ្នែកកណ្ដាលនៃផ្ទាំងកម្មវិធី Chrome ត្រូវចុច Shift + Scroll (រំកិល) +Shortcut សម្រាប់ប្រើជាមួយកម្មវិធី Browser ផ្សេងៗ ៥) ដើម្បីដាក់ Cursor លើរបារអាសយដ្ឋាន (address bar) ដើម្បីវាយបញ្ចូល address ថ្មី មិនបាច់ប្រើ mouse នោះ ត្រូវចុចលើ F6 ឬ Ctrl + L។ ៦) ដើម្បីអាចភ្ជាប់ចូល ទំព័រវែបសាយដែលគេបាន បិទ (ប្លុក)  ត្រូវចូលទៅ Google Translate ហើយ past អាសយដ្ឋាន ឬ URL រួចជ្រើសរើសប្រភពភាសាដើម (source language) ទៅជាភាសាក្រៅពីនេះ ហើយជ្រើសរើសភាសាដែលនៅស្ថិតនៅផ្នែកបកប្រែ (destination) រួចចុចប៊ូតុង Translate។ បន្ទាប់ពីនោះ អ្នកនឹងអាចប្រើ web proxy ដោយសេរី។

៧) ដើម្បីបិទ Tab នៃកម្មវិធី Chrome ដោយគ្រាន់តែចុចលើកង់រមូលស្ថិតនៅផ្នែកកណ្ដាលនៃ Mouse ប៉ុណ្ណោះដែលគេហៅថា Middle Click។ ៨) ដើម្បីបើក View លើអត្ថបទ (article) ជាមួយ slideshow ឬ multiple page គឺត្រូវចុច Print ឬ Ctrl + P ៩) ដើម្បីបើក web page ទាំងអស់នៃថត bookmark folder ត្រូវចុចលើ Middle Click នៅលើ folder។ ១០) ដើម្បី reset ឱ្យទៅជាទំហំ Windows ដើម (default Windows size) នៃ web page របស់អ្នក បន្ទាប់ពីបាន Zoom នោះ ត្រូវចុចលើ Ctrl + 0 ១១) ដើម្បី Highlight អក្សរនៅក្នុង web page ត្រូវចុច select ចំណុចចាប់ផ្ដើម បន្ទាប់មកចុច Shift + Click នៅលើផ្នែកបញ្ចប់។ +Shortcut សម្រាប់ប្រើជាមួយ Windows ១២) ដើម្បីបើក Task Manager ដោយផ្ទាល់ និងប្រើដៃតែម្ខាង អ្នកអាចចុចលើ Ctrl + Shift + Esc។ ១៣) ដើម្បីធ្វើឱ្យផ្ទាំង Windows របស់កម្មវិធីផ្សេងៗដែលបានបើក លឹបបាត់ទៅវិញជាលក្ខណៈ Minimize គ្រាប់ផ្ទាំងកម្មវិធីនោះ គឺងាយស្រួលទេ ដោយអ្នកគ្រាន់តែចាប់ផ្ទាំងដែលកំពុង ឬចង់ឱ្យ Active រួចអូស ឬក្រវីទៅឆ្វេងទៅស្ដាំជាការស្រេច។

១៤) ដើម្បីថតសកម្មភាពប្រើប្រាស់កុំព្យូទ័រនៅលើ screen កុំព្យូទ័រក្រោមទម្រង់ជារូបភាពតាមជំហានបន្តបន្ទាប់នោះ អ្នកគ្រាន់តែស្វែងរកនៅក្នុង Start Menu ហើយវាយបញ្ចូលពាក្យ psr ដើម្បីបើកកម្មវិធី Step Recorder។ សាកល្បងប្រើអ្នកនឹងបានដឹងពីមុខងារពិសេសរបស់វា។

១៥) ដើម្បីថត screenshort តែទៅលើផ្ទាំងកម្មវិធីដែលកំពុងដំណើរការ (Active) អ្នកគ្រាន់តែចុច Alt + Print Screen ជាការស្រេច ដោយមិនបាច់ចំណាយពេលកាត់ក្នុងកម្មវិធី Photoshop ទៅលើ backgound ដែលជាប់មកជាមួយដូចការចុចតែ Print Screen ទៀតឡើយ។ ១៦) ដើម្បីលុបម្ដងមួយពាក្យ (one word) ក្នុងពេលតែមួយ គឺត្រូវចុច Ctrl + Backspace

១៧) ដើម្បីបើកកម្មវិធីដែលស្ថិតនៅលើ Taskbar ត្រូវចុច Windows Key + លេខរៀងនៃកម្មវិធីដែលស្ថិតតាមលំដាប់លំដោយរាប់ពីឆ្វេងទៅស្ដាំ។ ១៨) ដើម្បី Paste អក្សរដោយមិនឱ្យជាប់ការកំណត់ Formatting ផ្សេងៗពីប្រភពដើមនោះ ត្រូវចុច Ctrl + Shift + V ១៩) ដើម្បីប្ដូរឈ្មោះ (rename) លើ file ឬ folder ត្រូវចុច F2 ហើយគេក៏អាច Select ម្ដងច្រើន file ដើម្បីកែឈ្មោះពេលតែមួយដែរ ដោយវានឹងមានឈ្មោះតាមលំដាប់ (1), (2), … ២០) នៅលើកម្មវិធីគិតលេខ Calculator លើ Windows 10 គឺមានបង្កប់នូវមុខងារអាចប្រើសម្រាប់ការបំបែកខ្នាតផ្សេងៗដូចជា Volume, length, Weight and Mass, Temperature, Energy, Area, Speed, Time, Power, Data, Pressure និង Angle ជាដើម។

+Shortcut ប្រើក្នុង YouTube ២១) ដើម្បី Pause វីដេអូ គឺគ្រាន់តែចុចលើ keyboard អក្សរ K ប៉ុណ្ណោះ ២២) ដើម្បីរំលងរយៈពេលម្ដង ១០វិនាទី ទៅមុខ ឬទៅក្រោយ គឺគ្រាន់តែចុច L ឬ J ២៣) ដើម្បីស្វែងរកវីដេអូពីអ្នកណាម្នាក់ច្បាស់លាស់ គឺត្រូវវាយសញ្ញា @ នៅពីមុខអ្វីដែលអ្នកចង់ស្វែងរកប៉ុណ្ណោះ ២៤) ដើម្បីរំកិលសាច់វីដេអូរហ័ស គ្រាន់តែចុចលើសញ្ញាទិសនៅលើ Arrow Key ទៅមុខ ឬទៅក្រោយជាការស្រេច។ ២៥) មិនបាច់ប្រើ mouse ដើម្បីដាក់ cursor នៅលើប្រអប់ Search អ្នកគ្រាន់តែចុចលើសញ្ញា ? ក៏បាន។