និស្សិតឆ្នាំទី១ នៃសាកលវិទ្យាល័យកាណាដា UBC បែកគំនិត ច្នៃប្រឌិតពែងកាហ្វេសាកថ្មទូរស័ព្ទបាន ឈ្នះប្រាក់រង្វាន់ ៥ម៉ឺនដុល្លារ
និស្សិតស្រីនៃសាកលវិទ្យាល័យ British Columbia ដែលមានវ័យត្រឹម ១៨ឆ្នាំសោះ ប៉ុន្តែមានសមត្ថភាពខ្ពស់ ដោយបានបែកគំនិតច្នៃបង្កើតពែងកាហ្វេទំនើបអាចសាកថ្មស្មាតហ្វូនដោយប្រើប្រាស់កម្ដៅបានពីអង្គធាតុដែលផ្ទុកក្នុងពែងបាន។ ក្មេងស្រីឈ្មោះ Ann Makosinski នេះ បានឈ្នះប្រាក់រង្វាន់ចំនួន ៥០០០០ដុល្លារអាមេរិក ពីក្រុមហ៊ុន Shell របស់កាណាដា។
https://youtu.be/9Vwq1pkrXNQ
នាងបានបញ្ជាក់ថា នាងមានគំនិតច្នៃប្រឌិតពែងកាហ្វេអាចសាកថ្មទូរស័ព្ទបាន ដោយសារក្រោយពីបានកត់សម្គាល់ឃើញពីតម្រូវការប្រចាំថ្ងៃ មនុស្សមានការប្រើប្រាស់ឧបករណ៍អេឡិចត្រូនិកច្រើន ហើយប្រាកដជាអស់ថ្ម គ្មានប្រភពថាមពលក្បែរដៃ នៅពេលធ្វើដំណើរ។ គំនិតនេះ ត្រូវបានផ្សារភ្ជាប់ទៅនឹង ការចូលចិត្តញុំាកាហ្វេ ដោយគេត្រូវរង់ចាំមួយខណៈពេលដើម្បីឱ្យកាហ្វេក្នុងពែង ចុះត្រជាក់ទើបអាចពិសាបាន។ ដោយសារបែបនេះ នាងបានច្នៃប្រឌិតពែងកាហ្វេ E-Drinnk នេះឡើងដើម្បី ប្រើប្រាស់ត្រូវចំគោលដៅទាំងពីរ ដោយអ្នកប្រើអាចសាកថ្មទូរស័ព្ទរបស់គេ ខណៈដែលគេកំពុងរង់ចាំឱ្យកាហ្វេចុះត្រជាក់នោះ។