ការអានមានអត្ថប្រយោជន៏ ដូចជា ជួយបង្កើនពាក្យដល់ក្មេង ជួយឱ្យការសរសេរកាន់តែល្អ ហើយការអានក៏ត្រូវបានគេដឹងដែរថា អាចជួយដល់ការចងចាំថែមទៀតផង។ ដូច្នេះហើយ ឪពុកម្តាយគួរតែបង្ហាត់បង្រៀនកូនៗឱ្យមានទម្លាប់អានតាំងពីក្មេង។

ខាងក្រោមនេះនឹងបង្ហាញវិធីដែលអ្នកអាចជំរុញកូនអ្នកឱ្យចង់អានបាន។

១) នាំកូនរបស់អ្នកទៅបណ្ណាល័យ

ចូរនាំកូនរបស់អ្នកទៅបណ្ណាល័យឱ្យបានទៀងទាត់។ ឧទាហរណ៏៖ អ្នកនាំកូនអ្នករៀងរាល់ថ្ងៃអាទិត្យ។ អ្នកអាចចុះឈ្មោះចូលជាសមាជិកដើម្បីអានសៀវភៅក្នុងបណ្ណាល័យបាន។ ម៉្យាងវិញទៀត អ្នកអាចជួយជ្រើសរើសសៀវភៅដែលសមស្របឱ្យកូនរបស់អ្នក។

២) ព្រេងនិទានមុនពេលចូលគេង

ក្មេងភាគច្រើនមិនចូលគេងភ្លាមៗនោះទេ។ ដូច្នេះហើយ អ្នកអាចគេងជាមួយពួកគេ នឹងប្រើប្រាស់ពេលវេលានោះដើម្បីនិទានរឿងព្រេងនិទាន។ មិនត្រឹមដែលរឹតចំណងរវាងកូននឹងកូនរបស់អ្នកទេ តែថែមទាំងជួយបង្កើនចំណង់នៃការអានដល់កូនរបស់អ្នកថែមទៀតផង។

៣) ចែករំលែកសៀវភៅដែលអ្នកចូលចិត្ត

តើអ្នកនៅចាំបានទេសៀវភៅដែលអ្នកចូលចិត្តបំផុត? តើអ្នកមានរក្សាទុកដែរឬទេ? បើសិនជាមាន អ្នកអាចចែករំលែកសៀវភៅទាំងនោះ និងប្រាប់ពីហេតុផលថា ហេតុអ្វីបានជាអ្នកស្រឡាញ់វា ព្រោះថាកូនរបស់អ្នកអាចនឹងចាប់អារម្មណ៏។

៤) កន្លែងរក្សាទុកសៀវភៅ

អ្នកអាចឱ្យកូនរបស់អ្នកទិញសៀវភៅដែលពួកគេចង់ទិញ និងបង្រៀនពួកគេឱ្យចេះរក្សាទុក។ ការដែលមានរក្សាទុកសៀវភៅបានត្រឹមត្រូវអាចធ្វើឱ្យពួកគេមានអារម្មណ៏ល្អទៅនឹងការអាន៕

ដោយ៖ អឹុង មួយយូ