មុខងារ Live Video របស់ Facebook ទើបតែត្រូវក្រុមហ៊ុនដាក់ឱ្យប្រើប្រាស់ជាសកលបាន។ ភ្ជាប់ជាមួយមុខងារ Live Video នេះដែរ ក្រុមហ៊ុនក៏បានដាក់ចេញផែនទី អាចមើលដឹងថា នរណាខ្លះកំពុងប្រើប្រាស់មុខងារបង្ហោះវីដេអូផ្សាយផ្ទាល់នេះ។
ប្រសិនអ្នកកំពុងស្វែងរកមើល នរណាកំពុងថតវីដេអូបង្ហោះភ្លាមៗ (streaming) នោះ អ្នកអាចចុចលើចំណុចដៅខៀវៗនៅលើផែនទី ដែលស្ថិតនៅផ្នែក APPS និងនៅក្នុង Live Video។ អ្នកគ្រាន់តែដាក់ Mouse នៅលើចំណុចខៀវ នោះវានឹងបង្ហាញវីដេអូ Live របស់អ្នក broadcast ផ្សេងៗគ្នា ឬចុចលើចំណុចខៀវ ដើម្បីទស្សនាផ្ទាល់តែម្ដង។ ផែនទី Live Video នេះអាចជួយឱ្យអ្នកគាំទ្រ (ហ្វេន) របស់អ្នក ងាយស្រួលស្វែងរកអ្នក broadcast ថ្មី។
មួយរយៈពេលចុងក្រោយនេះ សង្កេតឃើញបណ្ដាយុវវ័យ ក៏ដូចជាតារាសិល្បៈដែលមានប្រជាប្រិយភាពមួយចំនួន ចាប់ផ្ដើមស្គាល់ និងប្រើប្រាស់មុខងារថ្មីពិសេសរបស់ Facebook នេះ។ វាជាមុខងារផ្សាយវីដេអូផ្ទាល់ (Live Video) ដើម្បីចែករំលែកខណៈពេលពិតផ្ទាល់មួយទៅដល់ Friend របស់គេបានឃើញ។ មុខងារ Facebook Live Video ពេលនេះអាចដំណើរការបាននៅលើឧបករណ៍ដើរដោយ iOS ប៉ុន្តែមិនទាន់មានសម្រាប់ Android នៅឡើយ៕
