Microsoft លក់ជំនួញទូរស័ព្ទម៉ាក Nokia ឱ្យ Foxconn តម្លៃ ៣៥០លានដុល្លារ រំពឹងនឹងមានស្មាតហ្វូន Nokia ដើរដោយ Android បង្ហាញខ្លួនឆ្នាំនេះ
ថ្មីៗនេះ ក្រុមហ៊ុន Microsoft បានសម្រេចលក់អាជីវកម្មទូរស័ព្ទស៊េរីទាប feature phone ក្រោមម៉ាកយីហោ Nokia ឱ្យទៅក្រុមហ៊ុន Foxconn ក្នុងតម្លៃ ៣៥០លានដុល្លារសហរដ្ឋអាមេរិក។ តាមរយៈកិច្ចព្រមព្រៀងទិញលក់នេះ Foxconn នឹងអាចផលិតទូរស័ព្ទប្រើម៉ាក Nokia ឡើងវិញបាន។ គេរំពឹងថា នឹងមានស្មាតហ្វូន Nokia បង្ហាញខ្លួនសារជាថ្មីដំណើរការដោយ Android OS នៅអំឡុងឆ្នាំនេះ។