រយៈពេលប្រហែល ១០ឆ្នាំមកនេះ ក្រុមហ៊ុនបានបន្ថែមមុខងារថ្មីៗជាបន្តបន្ទាប់នៅលើប្រព័ន្ធប្រតិបត្តិការ iOS ហើយក្នុងនោះ ក៏មានមុខងារពិសេសអាចឱ្យអ្នកកំណត់ម៉ោងផ្ញើសារ iMessage / SMS ក្នុងកម្មវិធីផ្ញើសាររបស់ iOS។ ដើម្បីអាចដំណើរការមុខងារកំណត់ម៉ោងផ្ញើសារនៅលើ iPhone/iPad យើងសូមណែនាំប្រិយមិត្តឱ្យប្រើកម្មវិធីឈ្មោះថា Karios ដែលអាចដំណើរការបានទាំងនៅលើ iOS 9 និង iOS 8។
តិចនិក tweak នេះ អាចឱ្យអ្នកពន្យារពេល ការផ្ញើសារតាមកម្មថិធី Message app ដែលមានស្រាប់ (stock app) នៅលើ iPhon/iPad ដោយការចុចឱ្យជាប់លើប៊ូតុង Send ដើម្បីបង្ហាញចេញម៉ឺនុយថ្មី អាចឱ្យលោកអ្នក កំណត់ពេល ដែលចង់ឱ្យសារដែលសរសេរទុក ផ្ញើចេញទៅ។ សូមអនុវត្តដូចខាងក្រោម៖
-សរសេរឱ្យរួចរាល់សិន រួចហើយចុចលើប៊ូតុង Send ឱ្យជាប់ នោះអ្នកនឹងឃើញជម្រើសពីរ គឺ កំណត់ម៉ោង (Schedule) និងមួយទៀតគឺ Switch Service។
-ចុចលើ Schedule រួចហើយកំណត់ម៉ោងផ្ញើចេញ
-ដើម្បីឆែកមើលថា តើកម្មវិធី Message មានសារចំនួនប៉ុន្មានដែលបានកំណត់ម៉ោងផ្ញើចេញដោយស្វ័យប្រវត្តិ សូមចុចលើរូបសញ្ញាដូចថតឯកសារ folder (ដូចរូប)
បញ្ជាក់៖ ប្រសិន iPhone/iPad របស់អ្នកបាន jailbreak ហើយ អ្នកនឹងអាចទាញយក (download) កម្មវិធី Kairos ក្នុងតម្លៃ ០,៩៩ដុល្លារ ពី BigBoss ឥឡូវនេះ៕
