បន្ទាប់ពីលេចរូបស្មាតហ្វូន Galaxy ថ្មីប៉ុន្មានសន្លឹកដែលអះអាងជា Galaxy C5 ចំណែកពេលនេះ ត្រូវបានក្រុមហ៊ុន Samsung ប្រកាសចេញផ្លូវការនៅទីផ្សារប្រទេសចិនហើយ។ Galaxy C5 នេះបានភ្ជាប់មកជាមួយអេក្រង់ទំហំ ៥,២អ៊ីញ ប្រភេទ Super AMOLED ដែលមានកម្រិត Full HD (1920x1080)px។

លក្ខណៈសម្បត្តិផ្សេងទៀតនៅលើ Galaxy C5 គឺបានបំពាក់ដោយអង្គប្រតិបត្តិ Snapdragon 617 របស់ក្រុមហ៊ុន Qualcomm, RAM 4GB មេម៉ូរី 32GB (អាចបន្ថែម microSD) ដល់ 128GB។ ស្មាតហ្វូនថ្មីនេះបានភ្ជាប់មកនូវកម្រិតថ្ម 2600mAh ហើយមានកាមេរ៉ាមុខ/ក្រោយ ទំហំ 8MP/16MP ដែលអាចថតរូប និងវីដេអូបានច្បាស់។

Galaxy C5 មានប្រព័ន្ធបណ្ដាញ 4G LTE, Wi-Fi, Bluetooth និងអាចប្រើស៊ីមកាត២ ហើយនឹងមានលក់ជាមួយជម្រើសពណ៌ ផ្កាឈូក ប្រផេះ ប្រាក់ និងមាស៕