ជឿថា វាអាចជាគន្លឹះសាមញ្ញ មិនមានអ្វីថ្មីសម្រាប់ប្រិយមិត្តដែលបានជិះរួចទៅហើយនោះទេ តែទោះជាយ៉ាងណា ក៏នៅមានប្រិយមិត្តមួយចំនួន នៅតែត្រូវការចំណេះដឹងនេះ ដើម្បីការពារសុវត្ថិភាពគណនី Facebook ជៀសវាងគេលួចយកទៅប្រើ។ ប្រហែលមានពេលខ្លះ ទូរស័ព្ទរបស់អ្នកអស់ថ្ម ឬភ្លេចយកតាម ទើបខ្ចីទូរស័ព្ទមិត្តភ័ក្ដិមក Log In ប្រើ Facebook មួយភ្លែត។ ប៉ុន្តែនៅពេលឈប់ប្រើ ក៏ភ្លេច Log Out ចេញវិញ ទើបបណ្ដាលឱ្យគណនីរបស់អ្នកនៅជាប់នឹងទូរស័ព្ទរបស់គេ។ ដូច្នេះ ទំព័រនេះ យើងសូមលើកយកគន្លឹះខ្លីៗ ដ៏សាមញ្ញនេះ មកបង្ហាញជូនដើម្បីជាដំណោះស្រាយដូចខាងក្រោម៖

-ត្រូវរកឧបករណ៍ដទៃ មិនថា កុំព្យូទ័រ ឬស្មាតហ្វូន (Android / iOS) គឺដើម្បី Log In ចូលគណនី Facebook នោះ រួចហើយចូលទៅបិទផ្ដាច់ត្រង់មុខងារ Account Activity។ +របៀបបញ្ចប់សកម្មភាព (End Activity) តាមកុំព្យូទ័រ

-ចុចលើសញ្ញាក្បាលព្រួញចុះក្រោម រួចហើយចុចចូលទៅ Settings និងចុចលើ Security ហើយរំកិលចុះក្រោមដើម្បីរកមើល និងចុចត្រង់ឃ្លា “Where You're Logged In” ដើម្បីមើលឃើញ Current Session។ -ត្រង់នេះ អ្នកមើលឃើញពីចំនួននៃការដែលអ្នក Login ចូលទៅគណនី Facebook និងប្រភេទឧបករណ៍ដែលបាន Login។ ក្នុងនោះមានដូចជា៖

.Facebook for Android .Desktop .Other .Mobile Browser .Messenger ជាដើម។ នៅត្រង់នេះ អ្នកនឹងអាចមើលដឹងថា តើការ Login ទាំងនោះ ធ្វើឡើងនៅពេលណា តាមឧបករណ៍អ្វី តើជាសកម្មភាពរបស់អ្នកពិតប្រាកដ ឬមានគេលួចប្រើ។ បើមានការសង្ស័យ អ្នកអាចបិទ ឬ បញ្ចប់សកម្មភាពទាំងនោះបាន នោះរាល់ឧបករណ៍ដែលកំពុងភ្ជាប់គណនី Facebook របស់អ្នក វានឹង Log Out ដោយស្វ័យប្រវត្តិ។ ហើយអ្នកក៏អាចប្រញាប់ប្ដូរលេខសម្ងាត់ឱ្យរហ័សដើម្បីជៀសវាងគេលួចប្រើ។ -បញ្ជាក់៖ អ្នកអាចបញ្ចប់សកម្មភាព (End Activity) ម្ដងមួយៗ ទៅលើការភ្ជាប់នីមួយៗ ឬអាចចុចលើប៊ូតុង End All Activity ដើម្បីបញ្ចប់ការភ្ជាប់គណនីពីគ្រប់ឧបករណ៍តែម្ដងបាន។ +របៀបបញ្ចប់សកម្មភាព (End Activity) តាមស្មាតហ្វូន Android៖

-ត្រូវបើកកម្មវិធី Facebook App នៅលើទូរស័ព្ទ រួចហើយចូលទៅ Account Settings → Security រួចហើយចុចចូលទៅ Active Sessions និងចុចលើ End Activity ជាការស្រេច៕