ថ្មីៗនេះ ក្រុមហ៊ុន Samsung បានផលិតកាសទំនើបឥតខ្សែប្រភេទ earbud ទំនើប អាចនិយាយបានថា ជាស៊េរីកាស earbud ដំបូងរបស់ខ្លួន។ Gear IconX នេះជាកាសគូរ ដែលត្រូវបានរចនារូបរាងទាន់សម័យ អមដោយគុណភាពខ្ពស់។ ក្រុមហ៊ុន Samsung បានចេញលក់កាស Wireless ស៊េរីថ្មី Gear IconX ក្នុងតម្លៃប្រហែល ១៩៩,៩៩ដុល្លារអាមេរិក។

https://youtu.be/yU4CPn7pJk4 មិនខុសពីអ្វីដែលអ្នកគិតនោះទេ កាស Gear IconX អាចភ្ជាប់ជាមួយទូរស័ព្ទតាមបច្ចេកវិទ្យាឥតខ្សែ wireless ហើយ earbud ទាំងពីរភ្ជាប់គ្នាដោយមិនត្រូវការខ្សែនោះឡើយ។ វាមានលក្ខណៈ ពិសេសជាងកាសប្ល៊ូធូស earbud បច្ចុប្បន្នដែលត្រូវការភ្ជាប់ខ្សែរវាងកាសសងខាង។ ក្រុមហ៊ុន Samsung បានលើកឡើងថា កាស Gear IconX នេះអាចប្រើសម្រាប់ស្ដាប់តន្ត្រីបានរយៈពេល ១ម៉ោង កន្លះ ពីទូរស័ព្ទរបស់អ្នក ឬប្រើបានរយៈពេលជាង ៣ម៉ោងកន្លះ នៅពេលលេងតន្ត្រី ដែលផ្ទុកនៅលើមេម៉ូរីម៉ាស៊ីន 4GB។

កាស Gear IconX ពិតជាមានការរចនាស្អាត និងផ្ដល់ភាពងាយស្រួលក្នុងការប្រើប្រាស់ គ្រប់គ្រងការបញ្ជាផ្សេងៗបានងាយស្រួល។ កាសនេះ ត្រូវបានឌីហ្សាញដោយគិតគូទៅលើគុណភាពសំឡេងខ្ពស់ ហើយអាចកាត់បន្ថយសំឡេងរំខាននៅជុំវិញយ៉ាងមានប្រសិទ្ធភាព៕