បន្ទាប់ពីបានចេញលក់ថេប្លេត Fire HD 10 ស៊េរីមុននៅលើទីផ្សារតាំងពីខែកញ្ញា ឆ្នាំ២០១៥ កន្លងមក ពេលនេះ ក្រុមហ៊ុន Amazon បានប្រកាសចេញថេប្លេតស៊េរីថ្មីដែលមានការបន្ថែមលក្ខណសម្បត្តិល្អជាងមុន ដែលមានជម្រើសពណ៌ខ្មៅ ពណ៌ស ឬអាលុយម៉ីញ៉ូម។ ជម្រើសថេប្លេត Amazon Fire HD 10 អាលុយម៉ីញ៉ូម ថែមទាំងមានមេម៉ូរីធំជាងគេគឺរហូតដល់ 64GB ដែលពង្រីកពីទំហំ 16GB និង 32GB។ ថេប្លេត Fire HD 10 ថ្មីនេះ បានបំពាក់មកជាមួយអេក្រង់ទំហំ ១០អ៊ីញប្រភេទ IPS ជាមួយ resolution 1280x800px ហើយត្រូវបានបំពាក់អង្គប្រតិបត្តិ quad-core MediaTek ល្បឿន 1.5GHz ហើយដំណើរការដោយសូហ្វ៊ែរកែប្រែពី Android OS របស់ Google ដែលហៅឈ្មោះថា Amazon Fire OS។

មុខងារផ្សេងទៀតនៅលើថេប្លេត Fire HD 10 គឺមានប្រព័ន្ធតំណភ្ជាប់ 802.11ac WiFi, ហើយក៏មានរន្ធ microSD សម្រាប់បន្ថែមកាតមេម៉ូរី កាមេរ៉ាមុខកម្រិត 720p សម្រាប់ប្រើវីដេអូខល (video calling) ចំណែកខាងក្រោយទំហំ 5MP។ ថេប្លេត Fire HD 10 មានតម្លៃខុសគ្នាទៅតាមទំហំគឺ៖ – $230 សម្រាប់ 16GB – $260 សម្រាប់ 32GB – $290 សម្រាប់ 64GB