គន្លឹះ​ ១២​ចំណុច​​ដើម្បី​ស្ដារ MacBook ដើរយឺត​ ឱ្យ​​រត់​លឿន​ឡើង​វិញ!​



នៅ​ពេល​ដែល​លោក​អ្នក​ទើប​ទិញ​ឡេបថប​ថ្មី​ដែល​ជា​ស៊េរី​ក្រោយ សមត្ថភាព​ខ្ពស់​ល្មម​ប្រើ​​ហើយ​ក្ដី ប៉ុន្តែ​ការ​ប្រើ​រហូត​ដល់​រយៈពេល​មួយ កុំព្យូទ័រ​នឹង​មាន​ដំណើរការ​យឺត​ជាង​មុន ដោយសារ​សមត្ថភាព​ផ្នែក hardware ចុះ​អន់​ថយ​ជាង​មុន។ ក្នុង​នោះ​ផ្នែក​សូហ្វវ៊ែរ​ក៏​ជា​កត្តា​ធ្វើឱ្យ​កុំព្យូទ័រ​ដើរ​យឺត​ជាង​មុន​ផង​ដែរ។ ដូច្នេះ​លោក​អ្នក​ត្រូវ​ចេះ​តិចនិក និង​វិធីសាស្ត្រ​ក្នុង​ការ​សម្អាត ធ្វើឱ្យ​ដំណើរការ​របស់​វា ប្រសើរ​ជាង​មុន។ មក​អនុវត្តិ​គន្លឹះ ១២ចំណុច​ខាង​ក្រោម​ជាមួយ BizKhmer ទាំង​អស់​គ្នា ដើម្បី​បង្កើត​ល្បឿន​ម៉ាស៊ីន Mac របស់​អ្នក​ឡើង​វិញ៖ ១) កាត់​បន្ថយ​ចំនួន​កម្មវិធី ដែល​បើក​ដំណើរការ​ស្វ័យប្រវត្តិ​នៅ​ដំណាក់កាល​បើក​កុំព្យូព័រ (boot up)៖

1

ចូល​ទៅ System Preference → Users and Groups → Login Items នៅ​ក្នុង​បញ្ជី អ្នក​នឹង​ឃើញ items ដែល​ចាប់ផ្ដើម (start up) នៅ​លើ​កុំព្យូទ័រ​របស់​អ្នក។ សូម​ចុច​រើស (check) នៅ​ក្នុង​ប្រអប់​ស្ថិត​នៅ​ពី​មុខ​កម្មវិធី រួច​ហើយ​ចុច​លើ​ប៊ូតុង​សញ្ញា​ដក (-)។ ២) ឆែក​មើល​បច្ចុប្បន្នភាព​ផ្នែក​សូហ្វវ៊ែរ (software updates)៖

2

ចុច​លើ​រូប​ឡូហ្គោ Apple រួច​រើស​យក App Store … ពី​ម៉ឺនុយ​ធ្លាក់​ចុះ (drop-down menu) ភាគច្រើន Mac ប្រហែល​បង្ហាញ​សារ​រំលឹក​ជា​ញឹកញាប់​នៅ​លើ desktop ដោយសារ​កុំព្យូទ័រ​បាន​រក​ឃើញ​កញ្ចប់​បច្ចុប្បន្នភាព​ថ្មី​បន្ថែម។ ៣) សាកល្បង restart កុំព្យូទ័រ៖

3

បើ​យឺត​ខ្លាំង នៅ​ក្រោយ​ពេល​ដែល​អ្នក​បើក​ដំណើរ​មួយ​អំឡុង​ពេល វា​កម្មវិធី​កុំព្យូទ័រ​ជា​មូលហេតុ។ ដូច្នេះ​ការ restart ក៏​អាច​ជួយ​ដោះស្រាយ​បាន​មួយ​ផ្នែក​ដែរ ដោយ​ចុច​លើ​រូប​ឡូហ្គោ Apple ហើយ​ចុច​លើ Restart ...។ ៤) បិទ​ចោល​នូវ​តាប (tab) ដែល​មិន​ប្រើ​នៅ​លើ​កម្មវិធី browser (Safari,...)៖

4

ការ​បើក​តាប​ច្រើន​នៅ​លើ​កម្មវិធី browser គឺ​ស៊ី​មេម៉ូរី​ឬ​ដែល​គេ​ហៅ​ថា​រ៉ាម/រ៉េម (RAM)។ ដូច្នេះ​បើ​មិន​ចាំបាច់​គួរ​បិទ (close) តាប​ខ្លះ​ចោល ដោយ​ការ​ចុច​លើ​សញ្ញា​ខ្វែង (x) នៅ​ផ្នែក​ចុង​ខាង​ស្ដាំ​នៃ​តាប (tab)។ ៥) បិទ​ចោល​កម្មវិធី (app) ឱ្យ​បាន​រហ័ស៖

5

Apple មាន shortcuts ក្ដារចុច ផ្ដល់ឱ្យ​អ្នក​ប្រើ​ងាយស្រួល​ចាកចេញ (exit) ពី app បាន​រហ័ស ដោយ​ចុច​ជាប់ (holding) លើ​ពាក្យ​បញ្ជា (command), control និង​ប៊ូតុង media-eject នោះ​នឹង​ចាក់ចេញ (quit) ពី​រាល់​កម្មវិធី ហើយ restart កុំព្យូទ័រ (ត្រូវ​ច្បាស់​ថា កិច្ចការ​ទាំងឡាយ​ត្រូវ​បាន save ជាមុន)។ ៦) រៀបចំ desktop របស់​អ្នក៖

6

យោង​តាម​គេហទំព័រ Digital Trends ឱ្យ​ដឹង​ថា​ការ​មិន​ចេះ​រៀបចំ Desktop ពោល​គឺ​ចេះ​តែ copy ​ឯកសារ (item ឬ icon ផ្សេងៗ​មក​ទុក) នៅ​លើ OS X ក៏​ធ្វើឱ្យ​ស៊ី RAM មួយ​ចំណែក​ដែរ។ ដូច្នេះ​គួរ​កាត់បន្ថយ ឬ​យក​ទៅ​ទុក​ក្នុង hard drive ប្រសើរ​ជាង។ ៧) ប្រើ Activity Monitor ដើម្បី​មើល​ដឹង​ថា មាន​កម្មវិធី ឬ service អ្វី​ខ្លះ​កំពុង​ដំណើរការ​នៅ background៖

7

ប្រើ Activity Monitor នៅ​លើ Mac អាច​ឱ្យ​អ្នក​មើល​ដឹង​ថា តើ​មាន​អ្វី​ខ្លះ​កំពុង​ដំណើរការ (run) នៅ​លើ background (ដំណើរការ​ស្ងាត់ៗ)។ បន្ទាប់ពី​បាន​ដឹង អ្នក​អាច​ធ្វើការ​បិទ (end) ដំណើរការ (process) ដែល​មិន​ចាំបាច់។ ៨) សម្អាត (clean) hard drive របស់​អ្នក៖

8

ការ​លុប វីដេអូ រូបថត podcasts, តន្ត្រី និង​ឯកសារ​ចាស់ៗ​ដទៃទៀត ក៏​អាច​ជួយ​ដល់​ដំណើរការ​កុំព្យូទ័រ​លឿន​ជាង​មុន​មួយ​កម្រិត​ដែរ។ ៩) លុប (delete) កម្មវិធី​ដែល​មិន​ប្រើ៖

9

ប្រសិន ហ្គេម ឬ​កម្មវិធី​ដែល​អ្នក​បាន​ទាញ​យក​ហើយ តែ​មិន​លេង ឬ​មិន​ចាំបាច់​ប្រើ អ្នក​គួរ​តែ​លុប​ចោល​វិញ ដើម្បី​សម្រួល​ដល់​ល្បឿន​កុំព្យូទ័រ។ ១០) បិទ (disable) នូវ​ស្ទីល visual effects ខ្លះ​ដែល​មិន​ចាំបាច់៖

10

ស្ទីល visual effect នៅ​លើ Mac អាច​ធ្វើឱ្យ​ម៉ាស៊ីន​ដើរ​យឺត​បាន ប្រសិន​កុំព្យូទ័រ​ស៊េរី​ទាប។ មាន​វិធីមួយ​ចំនួន អ្នក​អាច​បិទ (turn off) ហើយ​បង្កើន​ល្បឿន​កុំព្យួទ័រ​មួយ​កម្រិត។ ដើម្បី​លុប សូម​ចូល​ទៅ System Preference → Dock។ បន្ទាប់​មក​ប្ដូរ​ពី Genie effect ទៅ​រើស​យក Scanle effect វិញ។ Scale effect animation គឺ​មិន​ធ្វើឱ្យ​កុំព្យូទ័រ​រង​ទម្ងន់​ខ្លាំង​ដូច​ជា Genie effect ជា​ហេតុ​សម្រួល​ដល់​ដំណើរការ​របស់​កុំព្យូទ័រ Mac មួយ​ផ្នែក​ដែរ។ ១១) សម្អាត (clear) នូវ browser cache៖

11

សូម​ចុច​លើ​រូប​សញ្ញា​របារ៣ (ដូចរូប) រួច​ចុច​យក History and Recent Tabsដើម្បី​សម្អាត cache របស់​កម្មវិធី browser។​ ១២) ឱ្យ​ច្បាស់​ថា អ្នក​មិន​កំពុង​ដំណើរការ extensions ឬ plugins ច្រើន​នៅ​លើ​កម្មវិធី broswer៖

13

ពេល​ខ្លះ អ្នក​អាច​ធ្វើឱ្យ​កុំព្យូទ័រ​របស់​អ្នក​ដើរ​លឿន​ជាង​មុន​ដោយ​គ្រាន់តែ​លុប (uninstall) នូវ extensions ចាស់ៗ​ដែល​មិន​ត្រូវការ​ប្រើ។ ដោយ៖ រឹទ្ធិរាជ ប្រភព៖ businessinsider
X
5s