ប្រិយមិត្តប្រហែលនៅដកជាប់គំនិតថា ទូរស័ព្ទស៊ីម-2 មិនសូវមានគុណភាព ប៉ុន្តែប្រសិនចំពោះម៉ូដែលស្មាតហ្វូនស៊ីម-2 ដែលយើងនឹងលើកយកមកបង្ហាញពេលនេះ គឺមានគុណភាពខ្ពស់ ជាប់ជាស្មាតហ្វូនស៊ីម២ ល្អបំផុតលើលោក ដែលអ្នកអាចទិញប្រើបាន។ ១) Galaxy S7 edge

ប្រសិនលុយពុំមែនជាបញ្ហារបស់អ្នក ដូច្នេះស្មាតហ្វូនស៊ីម២ ដំបូងនេះ លោកអ្នកនឹងពេញចិត្តជាមួយសមត្ថភាពរបស់វា។ Galaxy S7 edge ជាប់ជាស្មាតហ្វូនស៊ីម២ ល្អបំផុតលើលោក។ តម្លៃ Galaxy S7 edge ស៊ីម២ នេះមានតម្លៃ ៧៥០ដុល្លារអាមេរិក ជាទូរស័ព្ទ dual-SIM ជំនាន់អន្តរជាតិ (International dual-SIM)។ វាមានអេក្រង់ ៥,៥អ៊ីញប្រភេទ Super AMOLED កម្រិត 1440x2560px អេក្រង់កោងបញ្ឆិត, បំពាក់ដោយឈីប Samsung Exynos 8890 ប្រភេទ octa-core, RAM 4GB និងមានមេម៉ូរីម៉ាស៊ីនទំហំ 32GB។ Galaxy S7 edge មានកាមេរ៉ាក្រោយ 12MP និងខាងមុខទំហំ 5MP។ វាមានបច្ចេកវិទ្យាមិនចូលទឹក ហើយដំណើរការដោយ Android 6.0 Marshmallow អមដោយកម្រិតថាមពលថ្ម 3600mAh។ ២) Galaxy S7

Galaxy S7 ក៏បានជាប់ជាស្មាតហ្វូនស៊ីម២ ល្អបំផុតមួយផងដែរ។ វាមានអេក្រង់ទំហំ ៥,១អ៊ីញកម្រិត 1440x2560px ប្រភេទ AMOLED។ បើប្រៀបធៀបនឹង S7 Edge អេក្រង់កោងវិញ Galaxy S7 នេះគឺមានលក្ខណៈ សម្បត្តិដូចគ្នា ប៉ុន្តែមានកមរិត resolution ទាប់ជាង។ ៣) Huawei Honor 5X

  ប្រសិនលោកអ្នកមានលុយមធ្យម ដូច្នេះអាចជ្រើសរើសទូរស័ព្ទស៊ីម២ តម្លៃធូរថ្លៃ តែគុណភាពខ្ពស់របស់ Huawei នេះបាន។ វាមានម៉ូដែល Huawei Honor 5X តម្លៃត្រឹមតែ ១៩៩ដុល្លារអាមេរិក។ Honor 5X មានអេក្រង់ទំហំ ៥,៥អ៊ីញប្រភេទ IPS កម្រិត 1080x1920px បំពាក់ដោយឈីប Qualcomm Snapdragon 616 SoC ល្បឿន 1.5GHz octa-core, RAM 2GB និងមានមេម៉ូរីម៉ាស៊ីនទំហំ 16GB។ កាមេរ៉ា Honor 5X ខាងក្រោយទំហំ 13MP និងខាងមុខទំហំ 5MP។ លក្ខណៈ សម្បត្តិផ្សេងទៀតគឺ ដំណើរការដោយ Android 5.1 Lollipop (អាចអាប់ដេតឡើងទៅ Android 6.0 Marshmallow), មានប្រព័ន្ធ 4G LTE ប្រើបានទាំងស៊ីមទាំង២ ហើយមានកម្រិតថ្ម 3000mAh។ សមត្ថភាពប៉ុណ្ណេះ រួមជាមួយតម្លៃ គឺសមល្មមសម្រាប់លោកអ្នកដែលមានលុយមធ្យមចង់បានទូរស័ព្ទស៊ីម២ តម្លៃធូរថ្លៃ។ ៤) Samsung Galaxy S6

ស្មាតហ្វូនស៊ីមពីរល្អបន្ទាប់នេះ គឺ Galaxy S6 ដែលបំពាក់ដោយឈីប Exynos 7420, RAM 3GB, មេម៉ូរីម៉ាស៊ីន 32GB កាមេរ៉ាក្រោយទំហំ 16MP ហើយខាងមុខទំហំ 5MP។ Galaxy S6 បើទោះបីមានលក្ខណៈសម្បត្តិមិនដល់ S7 ប៉ុន្តែវាមានសមត្ថភាពគ្រប់គ្រងសម្រាប់ដំណើរការមុខងារសំខាន់ៗ ព្រមទាំងជាស្មាតហ្វូនស៊ីម២ ល្អបំផុតមួយ។ យ៉ាងណា S6 ពុំមានបច្ចេកវិទ្យាមិនចូលទឹកដូចជា S7 នោះទេ។ តម្លៃ Galaxy S6 នៅលើទីផ្សារគឺប្រហែលត្រឹមតែ ៤៥០ដុល្លារប៉ុណ្នោះ។ ៥) ASUS ZenFone 2 Deluxe ប្រសិនអ្នកកំពុងស្វែងរកថេប្លេត Android ស៊េរីមធ្យម និងអាចប្រើស៊ីមកាត២ បាននោះ ដូច្នេះ ZenFone 2 Deluxe គឺជាជម្រើសដ៏ល្អមួយ។ ZenFone 2 Deluxe មានអកេ្រង់ទំហំ ៥,៥អ៊ីញ កម្រិត 1080x1920px។ វាបំពាក់ដោយឈីប Quad-core Intel Atom Z3580 ល្បឿន 2.3GH។ ZenFone 2 Deluxe នេះមាន RAM 4GB, មេម៉ូរីទំហំ 128GB, កាមេរ៉ាមុខក្រោយទំហំ 5MP/13MP ដំណើរការដោយ Android 5.1 Lollipop និងមានកម្រិតថាមពលថ្ម 3000mAh។ តម្លៃ ZenFone 2 Deluxe នេះត្រឹមតែ ៣៥០ដុល្លារអាមេរិកប៉ុណ្ណោះ៕