ជាការពិត កូរ៉េខាងត្បូងនៅតែរក្សាតំណែងជាប្រទេសមានល្បឿនអ៊ីនធឺណិតលឿនបំផុតលើពិភពលោក។ ប៉ុន្តែបើកផ្អែកតាមមាតិកានៅលើគេហទំព័រ Akamai ឱ្យដឹងថា ល្បឿនអ៊ីនធឺណិតសាកលលោកជាមធ្យម គឺមានការកើនឡើងជាងឆ្នាំមុន ដោយកើនដល់ ៦,៣មេហ្គាប៊ីតក្នុងមួយវិនាទី (6.3Mbps)។ ចំណែកកូរ៉េខាងត្បូងដែលឈរឈ្មោះជាប្រទេសមានអ៊ីនធឺណិតលឿនជាងគេ មានល្បឿនជាមធ្យម 29Mbps (គិតត្រឹមត្រីមាសទី១ ឆ្នាំ២០១៦)។

ល្បឿនអ៊ីនធឺណិតជាមធ្យមជាសាកលគឺមានការកើនឡើង ១២% ប្រៀបធៀបនឹងត្រីមាសទី៤ ឆ្នាំ២០១៥ ដែលគិតមិនត្រឹមត្រីមាសទី១ ២០១៦ នេះល្បឿនកើនដល់ 6.3Mbps ហើយបើកគិតកំណើនប្រចាំឆ្នាំវិញ គឺបានកើនឡើង ២៣%។ កូរ៉េខាងត្បូងបន្តគ្រងតំណែងជាប្រទេសមានអ៊ីនធឺណិតលឿន ដែលមានល្បឿន 29Mbps កើនឡើង ៨,៦% ប្រៀបធៀបនឹងត្រីមាសទី៤ ឆ្នាំ២០១៥។ ចំណែកន័រវែសប្រទេសមានអ៊ីណធឺណិតលឿនបន្ទាប់គឺល្បឿន 21.3Mbps។ ក្នុងតារាងប្រទេសទាំង១០ មានអ៊ីនធឺណិតលឿន ឃើញថា ហុងកុងបានជាប់ចំណាត់ថ្នាក់ទី៤ មានអ៊ីនធឺណិតលឿន បន្ទាប់ពីស៊ុយអែត។ ស៊ុយអែតមានល្បឿនអ៊ីណធឺណិត 20.6Mbps ចំណែកហុងកុងមាន 19.9Mbps។ (បញ្ជាក់៖ ល្បឿនទាំងនេះជាល្បឿនអ៊ីនធឺណិតគិតជាមធ្យមប្រចាំត្រីមាសទី១ ឆ្នាំ២០១៦)

លើសពីនេះ យើងឃើញមានការកើនឡើងទៅលើការប្រើប្រាស់ Ipv6 adoption ដែលបែលហ្សិកជាប្រទេសដឹកមុខ ហើយ Ipv4 ជំនាន់ចាស់គឺមានការធ្លាក់ចុះក្នុងការប្រើប្រាស់បន្តិចម្ដងៗនៅលើទីផ្សារសាកល។ របាយការណ៍បានឱ្យដឹងថា ល្បឿនអ៊ីនធឺណិតប្រើនៅលើស្មាតហ្វូន/ថេប្លេត ឬឧបករណ៍ចល័តផ្សេងៗ គឺមានល្បឿន 27.9Mbps (នៅអង់គ្លេស) ហើយធ្លាក់ចុះនៅត្រឹម 2.2Mbps នៅប្រទេសអាល់ហ្សេរី។ ចំពោះការបើកវែបសាយលើទូរស័ព្ទដោយប្រើកម្មវិធី browser មានស្រាប់ក្នុងម៉ាស៊ីន និងកម្មវិធី Chrome គឺល្បឿនមានការកើនឡើង ៥៨% ហើយកម្មវិធី Safari នៅលើ iOS មានកំណើនល្បឿនយឺតជាង គឺត្រឹមតែ ៣៣%៕