ថ្មីៗនេះ ក្រុមហ៊ុន ZTE បានប្រកាសចេញស្មាតហ្វូនកំពូលស៊េរីថ្មីរបស់ខ្លួនម៉ូដែល ZTE Nubia Z11 ដំណើរការដោយប្រព័ន្ធប្រតិបត្តិការ Android។ អ្វីដែលពិសេសនៅលើស្មាតហ្វូនថ្មីរបស់ក្រុមហ៊ុនចិននេះ គឺបានបំពាក់ដោយ RAM ធំរហូតដល់ 6GB ហើយវាក៏មានជម្រើស 4GB ដែរ។
ស្មាតហ្វូន Nubia Z11 មានអេក្រង់ទំហំ ៥,៥អ៊ីញកម្រិត Full HD អមដោយ resolution 1920x1080px ហើយបំពាក់ដោយឈីប Snapdragon 820 សមត្ថភាពខ្ពស់។ Nubia Z11 ត្រូវបានបែងចែកជាពីរម៉ូដែល អមដោយលក្ខណៈសម្បត្តិផ្សេងគ្នាផងដែរគឺ ម៉ូដែលមាន RAM 4GB គូជាមួយមេម៉ូរី 64GB និងម៉ូដែលមាន RAM 6GB គូជាមួយមេម៉ូរី 128GB។
ស្មាតហ្វូនថ្មីរបស់ ZTE នេះ ដំណើរការដោយ Android 6.0 Marshmallow ហើយវាប្រើទម្រង់សូហ្វ៊ែរ Nubia UI 4.0 របស់ក្រុមហ៊ុនផ្ទាល់។ ស្មាតហ្វូននេះបានបំពាក់ដោយកាមេរ៉ាក្រោយទំហំ 16MP ជាមួយបច្ចេកវិទ្យា OIS និងខាងមុខទំហំ 8MP។ វាជាទូរស័ព្ទស៊ីមពីរ ហើយតម្លៃរបស់ Nubia Z11 នេះ គឺចាប់ពី ៣៧៥ដុល្លារអាមេរិក៕
