iPhone 7 Plus លេច​ចេញ​តម្រុយ​ថ្មី​គឺ​នឹង​លែង​មាន​ប៊ូតុង Mute នៅ​ខាង​ឆ្វេង​ទៀត​ហើយ ​ខណៈ iPhone 7 ​នៅ​រក្សា​ដដែល​



សាធារណជនបានឃើញរួចមកហើយអំពីរូបរាងបែកធ្លាយផ្សេងៗដែលគេអះអាងថាជា iPhone 7 និង iPhone 7 Plus ហើយចំណែកពេលនេះ គេបានបន្តទម្លាយរូបរាងកំពូលទូរស័ព្ទទាំងពីរនេះ ដាក់ទន្ទឹមគ្នា ឃើញច្បាស់ៗនូវទម្រង់កាមេរ៉ាថ្មី ដោយ iPhone 7 មានកាមេរ៉ា ១គ្រាប់ដដែលប៉ុន្តែទំហំ Lens ធំជាងមុន ខណៈ ដែល iPhone 7 Plus មានកាមេរ៉ាចំនួន ២គ្រាប់មិនធ្លាប់មានពីមុន។

iPhone-7-Plus2

វែបសាយបារាំង Nowhereelse បានបង្ហោះរូបថតចុងក្រោយប៉ុន្មានសន្លឹកដែលអះអាងថា ជារូបរាងឌីហ្សាញថ្មី នៅលើ iPhone 7 ទាំងពីរម៉ូដែល ហើយក៏មានភ្ជាប់ជាមួយមុខងារថ្មីមួយចំនួនផងដែរ។ រូបថតបង្ហាញស្មាតហ្វូនទាំងពីរម៉ូដែល ដែលគេឃើញ iPhone 7 Plus បំពាក់កាមេរ៉ា dual lens គឺមានប្រឡោះកាមេរ៉ាភ្លោះរាងទ្រវែងនៅសំបកក្រោយ ខណៈ ដែល iPhone 7 មានកាមេរ៉ា ១គ្រាប់ដដែលគ្រាន់តែមានទំហំ lens ធំជាងមុនបន្តិច។

iphone-7-plus

  ក្នុងរូបបែកធ្លាយចុងក្រោយនេះ ថែមទាំងបានបញ្ជាក់ទៅលើរន្ធ Smart Connector នឹងមានប្រើនៅលើ iPhone ថ្មីទាំងពីរម៉ូដែល។ Smart Connector នឹងជំនួសរន្ធកាស 3.5mm ដែលវាអាចប្រើសម្រាប់សាកថ្មក៏បាន និងដោតកាសក៏បាន ដូចនៅលើ iPad ជំនាន់ចុងក្រោយរបស់ Apple ដែរ។ គេសង្កេតឃើញរូប iPhone 7 Plus ពុំមានប៊ូតុងបិទសំឡេងឱ្យស្ងាត់ (Mute) ដូចជំនាន់មុនទេ ប៉ុន្តែ iPhone 7 នៅតែមានជាធម្មតា។ ចំណែកខ្សែអង់តែនពណ៌-សត្រូវបានផ្លាស់ប្ដូរទីតាំងទៅលើបំផុត នៅសំបកក្រោយនៃ iPhone ទាំងពីរម៉ូដែល។ ក្រុមហ៊ុនត្រូវគេរំពឹងថា នឹងប្រកាសចេញ iPhone ថ្មីទាំងពីរម៉ូដែលនៅអំឡុងខែកញ្ញា ឆ្នាំ២០១៦ ខាងមុខ ហើយក៏រំពឹងនឹងមានលក់លើទីផ្សារនៅក្នុងខែដដែលនោះតែម្ដង៕
X
5s