ប្រហែលមិនទាន់ដល់ពេលសម្ពោធផ្លូវការផង iPhone 7 ត្រូវគេលាតត្រដាងលក្ខណៈសម្បត្តិឥតឈប់ឈរជិតអស់គ្មានសល់ហើយ! ជាក់ស្ដែងតាមទិន្នន័យ Geekbench ខាងលើនេះ បានបង្ហាញថា iPhone 7 ពិតជានឹងបំពាក់ឈីបជំនាន់ថ្មីចុងក្រោយរបស់ Apple ផ្ទាល់គឺ Apple A10។

  ផ្អែកតាមទិន្នន័យ Geekbench 3 បង្ហាញតាមក្រាបខាងលើ បង្ហាញថា iPhone 7 និង iPhone 7 Plus នឹងប្រើបន្ទះឈីបជំនាន់ថ្មីគឺ Apple 10 soc។ បន្ទះឈីបថ្មីនឹងមានល្បឿនលឿនជាងមុន។ ខណៈដែល iPhoe 6s និង 6s Plus បំពាក់ឈីប Apple A9 ទទួលបានពិន្ទុ 2500ពិន្ទុ ចំណែក iPhone 7/ 7 Plus ដែលប្រើឈីប Apple A10 បានពិន្ទុខ្ពស់ជាងគឺ 3000ពិន្ទុ។ នេះមានន័យថា iPhone 7/ 7 Plus មានល្បឿនលឿនជាង iPhone 6S/6S Plus ១៨%។

  ក្រុមហ៊ុន Apple ទំនងផ្ដោតសំខាន់លើថាមពលថ្មថែមទៀត ក្រៅពីសមត្ថភាពអង្គប្រតិបត្តិ ដោយនឹងបំពាក់ថ្មកម្រិត 1960mah ធំជាងមុន ១១% ប្រៀបធៀបនឹងថ្មនៅលើ iPhone 6s ដែលមានត្រឹម 1750mAh។ iPhone 7 និង 7 Plus នឹងត្រូវក្រុមហ៊ុន Apple ប្រកាសផ្លូវការនៅខែកញ្ញា ក្នុងសន្និសីទប្រចាំឆ្នាំរបស់ក្រុមហ៊ុន៕