ក្រុមហ៊ុន Apple កំពុង​ផលិត​កាស Bluetooth ​ឈ្មោះ​ “AirPods” ត្រៀម​សម្ពោធ​ដំណាល​នឹង iPhone 7 ចេញ​នៅ​ខែ​កញ្ញា​ខាង​មុខ​



យោងតាមរបាយការណ៍ចេញផ្សាយនៅថ្ងៃនេះឱ្យដឹងថា ក្រុមហ៊ុន Apple នឹងផលិតចេញកាសប្រភេទ earbuds ដែលប្រើបច្ចេកវិទ្យាឥតខ្សែ Bluetooth មានឈ្មោះថា AirPods នៅពេលខាងមុខ។ កាស AirPods របស់ Apple នឹងត្រូវប្រកាសចេញដំណាលគ្នានឹង iPhone 7 និង iPhone 7 Plus។

Untitled-6

  ចចាមអារ៉ាមបានលេចចេញថ្ងៃនេះ អមជាមួយរបាយការណ៍លើកឡើងថា កាសឥតខ្សែ AirPods នឹងប្រើមុខងារ Blueotooth សម្រាប់ភ្ជាប់ទៅកាន់ឧបករណ៍អេឡិចត្រូនិក ក៏ដូចជាស្មាតហ្វូន/ថេប្លេត។ សាធារណជនលើកឡើងថា ប្រសិនកាសទំនើបនេះ ពិតជាបង្ហាញខ្លួនក្នុងឆ្នាំ២០១៦ នេះ អមជាមួយ iPhone ជំនាន់ថ្មីមែន នោះវាពិតជាពិសេសណាស់ហើយ។ សូមបញ្ជាក់ថា របាយការណ៍កន្លងមកបានអះអាងថា ទូរស័ព្ទស៊េរីក្រោយជំនាន់ទី១០ (iPhone 7/ 7 Plus) នឹងលែងប្រើប្រាស់រន្ធកាសខ្នាត ៣,៥មិល្លីម៉ែត្រទៀតហើយ ដោយជំនួសមកវិញនូវរន្ធ Smart Connector ដែលអាចប្រើសម្រាប់សាកថ្មផង និងដោតកាសផង ស្ថិតនៅផ្នែកខាងលើទូរស័ព្ទ។ ដោយការជំនួសមកវិញនូវកាសខ្សែស៊េរីថ្មី EarPods ក្រុមហ៊ុនក៏នឹងបន្ថែមដុំ Adapter មួយក្នុងប្រអប់ iPhone ដើម្បីងាយស្រួលអតិថិជនដោតប្រើជាមួយកាសខ្នាត 3.5mm សព្វថ្ងៃ។ ចំណែកកាស Bluetooth AirPod នេះ នឹងកាន់តែផ្ដល់បទពិសោធន៍ថ្មីមិនធ្លាប់មានសម្រាប់អ្នកគាំទ្រ iPhone / iPad កន្លងមក៕
X
5s