ក្រុមហ៊ុន BlackBerry នៅថ្ងៃអង្គារម្សិលមិញនេះ បានប្រកាសចេញស្មាតហ្វូនស៊េរីថ្មីម៉ូដែល DTEK50 ជាមួយការអះអាងថា ជាទូរស័ព្ទដែលមានប្រព័ន្ធសុវត្ថិភាពខ្ពស់បំផុតលើពិភពលោក។ DTEK50 គឺជាស្មាតហ្វូនទី២ របស់ក្រុមហ៊ុនកាណាដាហើយ ដែលដំណើរការដោយប្រព័ន្ធប្រតិបត្តិការ Android OS។ https://youtu.be/w9rkhCUAHT0 ស្មាតហ្វូន Android ទី២ពីក្រុមហ៊ុន BlackBerry អាចមានរូបរាងស្រដៀងគ្នានឹងទូរស័ព្ទ Alactel Idol 4។ ស្មាតហ្វូនខ្លាំងផ្នែកប្រព័ន្ធសុវត្ថិភាពជាងគេរបស់ BlackBerry មានអេក្រង់ទំហំ ៥,២អ៊ីញ កម្រិត 1080p, បំពាក់ដោយបន្ទះឈីប octa-core Qualcomm Snapdragon 617 SoC អមដោយ RAM 3GB និងមានមេម៉ូរីប្រភេទ Flash Storage ទំហំ 16GB (អាចបន្ថែម microSD បាន)។

កាមេរ៉ានៅលើ DTEK50 មានទំហំ 13MP អមដោយមុខងារ autofocus និង dual-tone LED flash, កាមេរ៉ាមុខទំហំ 8MP ថតវីដេអូខល និង selfie បានច្បាស់ និងមាន dual 3.6-watt speaker សំឡេងខ្លាំងនិងឮច្បាស់។ វាដំណើរការដោយ Android 6.0 Marshmallow ដែលអាចធ្វើបច្ចុប្បន្នភាពឡើងទៅ Nougat បាន។ ស្មាតហ្វូនធុនមធ្យមនេះ មានកម្រាស់ ៧,១មិល្លីម៉ែត្រ និងទម្ងន់ ១៣៥ក្រាម អមដោយថាមពលថ្ម 2610mAh។ វាបំពាក់ដោយបច្ចេកវិទ្យា quick charge 2.0 សាកថ្មឆាប់ពេញត្រឹមតែ ១២០នាទី ឬ ២ម៉ោងប៉ុណ្ណោះ។ ចំពោះតម្លៃ DTEK50 ម៉ូដែល Unlocked ដែលគាំទ្រសេវា AT&T និង T-Mobile នៅអាមេរិក ត្រូវបានដាក់ឱ្យបញ្ជាទិញពី BlackBerry ផ្ទាល់។ តម្លៃរបស់វា ប្រហែល ២៩៩,៩៩ដុល្លារអាមេរិកនៅពេលមានលក់លើទីផ្សារចាប់ពីថ្ងៃទី៨ ខែសីហាក្រោយនេះ៕