ឥឡូវនេះ Galaxy Note 7 ត្រូវបានវែកមុខផ្លូវការហើយ វាជាស្មាតហ្វូនកូនកាត់ថេប្លេតទំនើបដំបូងដែលមានបច្ចេកវិទ្យាស្កេនប្រស្រីភ្នែករបស់ក្រុមហ៊ុន Samsung ហើយក៏ពុំទាន់ឃើញស្មាតហ្វូនណានាពេលបច្ចុប្បន្ន បំពាក់មុខងារអស្ចារ្យនេះនៅឡើយ។ Galaxy Note 7 បង្ហាញខ្លួនជាមួយអេក្រង់ទំហំ ៥,៧អ៊ីញកម្រិត Quad HD កោងបញ្ឆិតទាំងសងខាងដូចនៅលើ Galaxy S7 Edge ប្រភេទ Super AMOLED។ ខាងក្រោមនេះគឺជាព័ត៌មានទាក់ទិននឹង Galaxy Note ថ្មីជំនាន់ទី៦ របស់ Samsung ដែលលោកអ្នកកំពុងចង់ដឹង៖ https://youtu.be/4FdTYwo4RKE   ១) កាលបរិច្ឆេទមានលក់លើទីផ្សារ ផ្អែកតាមក្រុមហ៊ុន Samsung Galaxy Note 7 ពណ៌ខៀវ, ពណ៌ប្រាក់ និងពណ៌ខ្មៅ នឹងមានលក់នៅក្រុមហ៊ុន AT&T, Sprint, T-Mobile, U.S. Cellular និង Verizon Wireless។ កាលបរិច្ឆេទដាក់លក់លើទីផ្សារគឺចាប់ពីថ្ងៃទី១៩ ខែសីហា ខណៈដែលបញ្ជាទិញមុន (កុម្ម៉ង់) គឺចាប់ពីថ្ងៃទី៣ សីហានេះតទៅ។ ទន្ទឹមគ្នានោះ ក្រុមហ៊ុនក៏បានចេញឧបករណ៍ Gear VR ជំនាន់ថ្មីដែរ។ កាមេរ៉ា Gear 360 នឹងមានលក់លើទីផ្សារចាប់ពីថ្ងៃទី១៩ សីហាដូច Note 7 ដែរ។ អតិថិជននៅអាមេរិកនឹងមានអាទិភាព ដែលអាចបញ្ជាទិញបានមុនពីបណ្ដាក្រុមហ៊ុនសេវាទូរស័ព្ទអាមេរិក និងក្រុមហ៊ុនលក់ទំនិញ ដូចជា Amazon, Car Toys, Sam's Club, Target និងផ្សារផ្សេងៗទៀត។

២) តម្លៃប្រូមូនសិន នឹងមានកម្មវិធីប្រូមូសិនពិសេសរយៈពេលកំណត់មួយ សម្រាប់ការជាវ Galaxy Note 7 ឬ Galaxy S7 edge ដោយអតិថិជននឹងទទួលបានឧបករណ៍ Gear Fit2 ឬ កាតមេម៉ូរី 256GB បន្ថែមដោយឥតគិតថ្លៃ និងទឹកប្រាក់តម្លៃ ២០ដុល្លារ។ សម្រាប់តម្លៃ Galaxy Note 7 អាចខុសគ្នាទៅតាមហាង និងក្រុមហ៊ុនចែកចាយផ្សេងៗគ្នា ហើយប្រហែលនឹងចេញតម្លៃពិតប្រាកដនៅប៉ុន្មានថ្ងៃខាងមុខ ឬប៉ុន្មានម៉ោងខាងមុខ ហើយយើងនឹងតាមដានព័ត៌មានអំពីតម្លៃ Note 7 ដើម្បីលើកមកចុះផ្សាយជូនប្រិយមិត្តបានដឹងនៅពេលក្រោយ។

៣) តម្លៃពីក្រុមហ៊ុន Verizon Galaxy Note 7 នឹងមានឱ្យបញ្ជាទិញនៅក្រុមហ៊ុន Verizon តាមអនឡាញ ហើយអតិថិជននឹងអាចជ្រើសរើសជម្រើសនៃផលិតផលហ្វ្រីតាមចិត្ត ដែលមាន Gear Fit2 ឬ មេម៉ូរីកាត MicroSD ទំហំ 256GB។ តម្លៃលក់រាយ Galaxy Note 7 គឺប្រហែល ៨៦៤ដុល្លារ ឬតម្លៃ ៣៦ដុល្លារ/ ខែ រយៈពេល ២៤ម៉ោង។ ៤) តម្លៃពីក្រុមហ៊ុន at&t

អ្នកអាចបញ្ជាទិញ Note 7 អនឡាញ និងហាងលក់ AT&T ចាប់ពីថ្ងៃពុធ ទី៣ នេះ ជាមួយជម្រើសពណ៌ខៀវ, ខ្មៅ និងទឹកប្រាក់។ វានឹងមានលក់នៅលើ AT&T ចាប់ពីថ្ងៃសុក្រ ទី១៩ សីហា។ អតិថិជនអាចទទួលយកនាឡិកា Gear S2 ដោយឥតគិតថ្លៃ និងថេប្លេត Galaxy Tab E បង់រំលោះ ០,៩៩ដុល្លារ រយៈពេល ២ឆ្នាំ។ អតិថិជននឹងទទួលបានផលិតផលទាំងពីរមុខនេះ ជាមួយនិង NumberSync នៅពេលអ្នកទិញ Galaxy Note 7 ពី AT&T។ Galaxy Note 7 មានតម្លៃលក់រាយ ៨៧៩,៩៩ដុល្លារនៅ AT&T។ ៥) តម្លៃពីក្រុមហ៊ុន T-Mobile

Galaxy Note 7 ទំហំ 64GB មានឱ្យបញ្ជាទិញអនឡាញក្នុងរយៈពេលប៉ុន្មានម៉ោងទៀតនេះ ជាមួយពណ៌ខៀវ, ខ្មៅ និងពណ៌មាស ក្នុងតម្លៃ ៦៩,៩៩ដុល្លារ និងជម្រើស ៣២,៥០ដុល្លារ រយៈពេល ២៤ខែ។ អតិថិជនអាចជ្រើសរើស Galaxy Note 7 នៅក្រុមហ៊ុន T-Mobile ចាប់ពីថ្ងៃទី១៩ ខែសីហា។ មានកាដូពិសេសចំនួន៣ ទន្ទឹងរង់ចាំអតិថិជន ដែលទិញ Galaxy Note 7 នៅក្រុមហ៊ុន T-Mobile មុនថ្ងៃទី២៨ ខែសីហា ហើយក្នុងនោះក៏មានជម្រើសប្រើសេវាកម្ម Netflix ហ្វ្រីពេញមួយឆ្នាំ ឬ Gear Fit2 ឬមេម៉ូរីកាត microSD ទំហំ 256GB។ ៦) តម្លៃពីក្រុមហ៊ុន Sprint ចំណែកការបញ្ជាទិញ Note 7 ពីក្រុមហ៊ុន Sprint អ្នកនឹងទទួលបានខ្សែដៃ Gear Fit3 sport band ឬ មេម៉ូរីកាត miroSD ទំហំ 256GB។ អ្នកក៏នឹងជាអ្នកអាចប្រើប្រាស់សេវាកម្មបង់ថ្លៃទំនិញតាមទូរស័ព្ទ Samsung Pay ដែលនឹងមានទឹកប្រាក់ហ្វ្រី ២០ដុល្លារក្នុងនោះស្រាប់។ ៧) U.S. Cellular

ក្រុមហ៊ុន U.S. Cellular នឹងដាក់ឱ្យបញ្ជាទិញ Note 7 តាមអនឡាញពីថ្ងៃទី៤ សីហាស្អែកនេះ។ Note 7 ដែល U.S. Cellular ដាក់ឱ្យកុម្ម៉ង់មានពណ៌ប្រាក់ និងពណ៌ខ្មៅ ដែលនឹងមានលក់នៅថ្ងៃទី១៩ សីហាខាងមុខ។ ការបញ្ជាទិញចាប់ពីថ្ងៃទី៤ ស្អែកនេះ អតិថិជនដែលទិញ Note 7ឬ Galaxy S7 edge នឹងហ្វ្រីជូន Gear Fit2 ឬមេម៉ូរីកាត microSD ទំហំ 256GB ដោយឥតគិតថ្លៃ។ អតិថិជនថែមទាំងទទួលបាន ២០ដុល្លារបន្ថែម នៅពេលពួកគេប្រើប្រាស់សេវាកម្ម Samsung Pay លើកដំបូង។ +លក្ខណៈ សម្បត្តិសំខាន់ៗនៅលើ Note 7 រួមមាន៖ -បច្ចេកវិទ្យាមិនជ្រាបទឹក មិនចូលធូលីដី មានប៊ិច S Pen ប្រើក្រោមទឹកបាន -អេក្រង់៖ កោងបញ្ឆិតសងខាង ទំហំ ៥,៧អ៊ីញ ប្រភេទ Super AMOLED និងកម្រិត QHD ក្រាលដោយកញ្ចក់ការពារជំនាន់ថ្មី Gorilla Glass 5 -អង្គប្រតិបត្តិ៖ ឈីប Snapdragon 820 ឬ Exynos 8890, អមដោយ RAM 4GB និងមានមេម៉ូរី 64GB (អាចបន្ថែម microSD) -សូហ្វ៊ែរ៖ Android 6.0 Marshamllow -ប្រព័ន្ធសុវត្ថិភាព៖ ស្កេនប្រស្រីភ្នែក Iris Scanner, ស្កេនក្រយៅដៃ fingerprint scanner -កាមេរ៉ា ទំហំ 12MP dual-pixel ថតវីដេអូកម្រិត 2160p -តំណភ្ជាប់៖ USB-C (មានប្រើដំបូងនៅលើ Note 7) បច្ចេកវិទ្យា NFC គាំទ្រសេវាកម្ម Samsung Pay -ថ្ម 3500mAh មានទម្រង់សន្សំសំចៃថ្មថ្មី (new power-saving mode) បច្ចេកវិទ្យាសាកថ្មឆាប់ពេញ quick charging (មានខ្សែ និងឥតខ្សែ) -មានឱ្យបញ្ជាទិញចាប់ពីថ្ងៃទី៣ ខែសីហានេះ ហើយនឹងមានលក់លើទីផ្សារចាប់ពីថ្ងៃទី១៩ ខែសីហា៕