សម្រាប់អតិថិជននៅអាមេរិក ដែលកំពុងទន្ទឹងរង់ចាំកាមេរ៉ា Gear 360 របស់ Samsung នេះអាចជាដំណឹងល្អ ព្រោះវាជិតមានលក់ហើយគឺនៅថ្ងៃទី១៩ ខែសីហា ដំណាលគ្នានឹង Galaxy Note 7 តែម្ដង។ ក្រុមហ៊ុន Samsung នៅថ្ងៃនេះ បានប្រកាសថា កាមេរ៉ាអាចថតមុំ៣៦០ដឺក្រេរបស់ខ្លួន នឹងមានដាក់លក់តាមអនឡាញលើវែបសាយរបស់ក្រុមហ៊ុនអាមេរិកមួយចំនួនចាប់ពីថ្ងៃទី១៩ ខែសីហា ដែលមានតម្លៃ ៣៥០ដុល្លារអាមេរិក។

សូមស្វែងយល់លក្ខណៈពិសេស និងគុណភាពរបស់កាមេរ៉ា ៣៦០ដឺក្រេនេះនៅក្នុងវីដេអូខាងក្រោម៖ https://youtu.be/hocIatxuddk Gear 360 គឺជាកាមេរ៉ាមានរូបរាងមូលតូច តែមានសមត្ថភាពអាចថតបានក្នុងមុំ ៣៦០ដឺក្រេ ជាមួយកម្រិត dual F/2.0 fish-ey lenses, មានទំហំ 15MP sensor អាចថ ១៩៥ដឺក្រេសម្រាប់ footage ហើយជាកាមេរ៉ាធន់មិនចូលដីឡើយ។ វាអាចថតវីដេអូកម្រិត 3840 x 1920 px នៅ 30 frames ក្នុងមួយវិនាទី។ បច្ចុប្បន្នកាមេរ៉ានេះ អាចភ្ជាប់ទៅកាន់ស្មាតហ្វូន Samsung បានតែ Galaxy Note 5, Note 7 ឬ Galaxy S6 ឬ Galaxy S7 ប៉ុណ្ណោះ៕ ប្រែសម្រួល៖ រឺទ្ធរាជ ប្រភព៖ http://www.geeky-gadgets.com/samsung-360-camera-arrives-in-us-03-08-2016/