ស្មាតហ្វូន​កាមេរ៉ា​ភ្លោះ (dual lens) ​នឹង​ចាប់​កំណើត​ឆាប់ៗ​ទៀត​ហើយ ​គឺ LG V20 តួ​ស្រោប​ដោយ​លោហធាតុ​



ក្រុមហ៊ុន LG បានអះអាងនឹងមានវត្តមានស្មាតហ្វូន V20 បង្ហាញខ្លួននៅថ្ងៃទី៦ ខែកញ្ញាខាងមុខ ប៉ុន្តែមិនបានបញ្ជាក់នូវលក្ខណៈសម្បត្តិលំអិតនៅលើសមិទ្ធផលថ្មីនេះនៅឡើយ។ V20 គឺជាទាយាទជំនាន់ក្រោយរបស់ស្មាតហ្វូនជោគជ័យ V10 ដែលចេញកាលពីឆ្នាំមុន។ ប្រសិនបើអ្នកចង់ឃើញរូបរាងពិតស្មាតហ្វូន V20 នេះ សូមឆែកមើលរូបគំនូសតាងប៉ុន្មានសន្លឹកខាងក្រោម ដែលគេរំពឹងថា អាចជាការឌីហ្សាញសម្រេចចុងក្រោយក៏ថាបាន។

download

  ទម្លាយដោយគណនី @OnLeaks នៅលើបណ្ដាញសង្គម Twitter ជាមួយប្រព័ន្ធសូហ្វ៊ែរ រូបគំនូសតាង LG V20 គឺជាស្មាតហ្វូនដែលផលិតដោយលោហធាតុរឹងមាំ។ ដូចជាស្មាតហ្វូន V10 ដែរ ដែល V20 នឹងបំពាក់ដោយអេក្រង់ធំទូលាយ ព្រមទាំងអេក្រង់ទី២ ទំហំតូច នៅផ្នែកខាងលើ។ ចំណុចខុសប្លែកមុននៅលើ LG V20 គឺអាចគ្មានកាមេរ៉ាមុខភ្លោះដូចមុនទេ ពោលគឺមានតែកាមេរ៉ាមួយ តែជំនួសមកវិញដោយកាមេរ៉ាក្រោយពីរ (dual lens) ទៅវិញ ដែលអមជាមួយភ្លើងជំនួយពីរគ្រាប់ (dual LED flash) និងមុខងារឡាស៊ែរអូតូហ្វូខឺស (laser auto focus)។

download (1)

V20 នឹងមានមុខងារស្កេនក្រយៅដៃនៅខាងក្រោយខ្នង ដូចជា LG G5 ដែរ។ តាមសេចក្ដីរាយការណ៍អះអាងថា V20 នឹងមានវិមាត្រ (១៥៩,៥ x ៧៨,១ x ៧,៧)មិល្លីម៉ែត្រ ប្រហាក់ប្រហែលទៅនឹងវិមាត្ររបស់ LG V10 ដែលមាន (១៥៩,៦ x ៧៩,៣ x ៨,៦)មិល្លីម៉ែត្រ។

download (2)

គ្មានព័ត៌មានអំពីអង្គប្រតិបត្តិដែលបំពាក់លើ LG V20 នៅឡើយ ប៉ុន្តែគេរំពឹងថា V20 នឹងប្រើប្រាស់បន្ទះឈីប Qualcomm Snapdragon 820 ហើយមាន RAM 84GB។ យោងតាមក្រុមហ៊ុន LG ឱ្យដឹងថា V20 នឹងជាស្មាតហ្វូនដំបូងលើលោកដែលដំណើរការដោយ Android 7.0 Nougat ស្រាប់។ នៅអាមេរិក LG V20 គួរតែអាចចេញលក់លើទីផ្សារនៅមុនដំណាច់ខែកញ្ញា៕
X
5s