ធ្លាយ​ឯកសារ​ពាក់ព័ន្ធ​កំពូល​ទូរស័ព្ទ ​iPhone 7 បង្ហាញ​លក្ខណៈ​ពិសេស​មិន​ធ្លាប់​មាន​​ពី​មុន​គឺ​ កាមេរ៉ា​មុខ​មាន​ភ្លើង Flash!​



គំនូសបំព្រួញស្ដីអំពីលក្ខណៈសម្បត្តិរូបរាងខាងក្រៅនៃកំពូលទូរស័ព្ទ iPhone 7 ទើបបានបែកធ្លាយនៅលើវែបសាយបារាំង www.nowhereelse.fr ធ្វើឱ្យមានការចាប់អារម្មណ៍យ៉ាងខ្លាំង ព្រោះបានបង្ហាញអំពីលក្ខណៈពិសេសថ្មីមិនធ្លាប់មាននៅលើជំនាន់ iPhone មុនៗ។ បើមើលតាមរូបគំនូសតាងប៉ុន្មានសន្លឹកខាងក្រោម បង្ហាញថា iPhone 7 នឹងបំពាក់ភ្លើងជំនួយកាមេរ៉ា (LED Flash) សម្រាប់កាមេរ៉ាមុខ (Front-Camera)។

2

3

  រូបគំនូសតាំងខាងលើបានបញ្ជាក់នៅត្រង់លេខយោង D12 ដែលសរសេរថា “Strobe lens and LED” យ៉ាងណា គេមិនទាន់ច្បាស់ថា តើ “Strobe lens” សំដៅលើអ្វីនោះទេ ប៉ុន្តែ “LED” គឺសម្គាល់ជាភ្លើងជំនួយកាមេរ៉ា។ សង្កេតមើលថា រូបថតទី២ នៅត្រង់លេខយោង H12 គេក៏ឃើញមានឃ្លា “Strobe lens and LED” ដូចគ្នាដែរ។ យ៉ាងណា គេរំពឹងថា ឃ្លាទាំងនេះ មានន័យជារួមថា ជាភ្លើង Flash សម្រាប់បង្កើតប្រភពពន្លឺឱ្យកាមេរ៉ាចាប់យកតំបន់រូបបានច្បាស់ ហើយកាមេរ៉ាមុខ ក៏នឹងមានមុខងារនេះដែរ។

2

ទន្ទឹមគំនូសតាងបញ្ជាក់ជាអក្សរ ក៏មានជារូបគំរូបឋម iPhone ជំនាន់ទី១០ នៅរូបទី២ ផងដែរ ដែលវាពិតដូចជារបាយការណ៍កន្លងមកថា iPhone 7 មានការឌីហ្សាញរូបរាងស្ទើរដូចទាំងស្រុងនឹង iPhone 6s/ 6s Plus គ្រាន់តែមានចំណុចបន្តិចបន្តួចប៉ុណ្ណោះត្រូវបានកែកុន។ ខ្សែអង់តែនពណ៌ស កាត់ទទឹងផ្នែកខាងក្រោយ នឹងត្រូវប្ដូរទីតាំងទៅខាងលើ ចំណែករន្ធកាស 3.5mm នៅមិនទាន់ច្បាស់នៅឡើយ ដោយសារមានរបាយការណ៍ផ្ទុយគ្នា ខ្លះថា នឹងប្រើ Smart Connector តែខ្លះថា នៅរក្សាទុកដដែល។ gsmarena_006

iphone-7-2016

iPhone 7 ពីរម៉ូដែលគឺទំហំ ៤,៧អ៊ីញ និង ៥,៧អ៊ីញនឹងត្រូវ Apple សម្ពោធជាផ្លូវការនៅថ្ងៃទី៧ ខែកញ្ញាក្រោយនេះ ដំណាលនឹងប្រព័ន្ធប្រតិបត្តិការ iOS 10 ជំនាន់ផ្លូវការនឹងត្រូវដាក់ចេញផងដែរ។ iPhone 7/ 7Plus នឹងមានលក់លើទីផ្សារមួយចំនួនចាប់ពីថ្ងៃទី១៦ ខែកញ្ញាដដែល៕
X
5s