ក្រុមហ៊ុន HP ថ្មីៗនេះ ទើបបញ្ចេញកុំព្យូទ័រ Gaming PC ស៊េរីថ្មីតម្រូវចិត្តអ្នកចូលចិត្តលេងហ្គេម ដើម្បីដំណើរការបានរលូន សម្រាប់ដាក់ហ្គេមធំៗបានដោយគ្មានបញ្ហារអាក់រអួល។ កុំព្យូទ័រថ្មីរបស់ HP មានម៉ូដែល Omen X ជាប្រភេទ Desktop PC ដែលត្រូវបានឌីហ្សាញរូបរាងតូចច្រឡឹង សណ្ឋានជាគូប។

HP Omen “X ក៏គាំទ្រប្រើប្រាស់បានជាមួយបច្ចេកវិទ្យា VR ហើយវាបំពាក់ដោយឈីបអង្គប្រតិបត្តិ Intel Core i5 ឬ i7 និងប្រើក្រាហ្វិកជំនាន់ចុងក្រោយ គឺ NVIDIA GeForce GTX 1080 ឬ dual AMD Radeon R9 Fury X។ កុំព្យូទ័រតូចតែសមត្ថភាពខ្លាំងនេះ ត្រូវបានផលិតឡើងសម្រាប់បំពេញតម្រូវការអ្នកចូលចិត្តលេងហ្គេមធំៗ។ កុំព្យូទ័រ HP Oment X នេះ នឹងមានលក់លើទីផ្សារក្នុងពេលឆាប់ៗខាងមុខ ដែលមានតម្លៃចាប់ពី ១,៧៩៩ដុល្លារ ឡើងទៅ៕