ឬអាថ៌កំបាំងអ្វីទេ ដែលលោក Mark Zuckerberg ចង់ធ្វើឲ្យបណ្ដាញសង្គមរបស់លោក កាន់តែក្លាយជាបណ្ដាញទំនាក់ទំនងសង្គមដោយមានវីដេអូជាមាតិកាសំខាន់មួយ។ ហើយបើតាមរបាយការណ៍ពីគេហទំព័រ mashable ថ្មីៗនេះ ឱ្យដឹងថា ក្រុមហ៊ុន Facebook កំពុងធ្វើតេស្តផ្សេងៗគ្នា ដើម្បីដឹងច្បាស់ថា តើវិធីសាស្ត្រមួយណា សម្រាប់វត្តមានមុខងារថ្មី អាចទាក់ទាញអ្នកប្រើច្រើនជាង។ មួយក្នុងចំណោមមុខងារថ្មីៗដែល Facebook ប្រុងបង្កើតគឺជា News Feed ប្រភេទវីដេអូដែលលេងដោយស្វ័យប្រវត្តិ (auto-playing video) និងអមដោយសំឡេង (sound)។

ផ្អែកតាមប្រភពដដែលឱ្យដឹងថា អ្នកប្រើ (user) មួយចំនួនប្រហែលជាអាចមើលឃើញរូប icon មួយនៅលើវីដេអូក្នុងកម្មវិធី Facebook របស់ពួកគេ ដែលអាចចុចដើម្បីឮសំឡេង ឬបិទសំឡេង។ សំឡេងគឺអាចគ្រប់គ្រងបាន ហើយយើងអាចស្រមៃឃើញពីចំណូលចិត្តអ្នកប្រើដែលពួកគាត់ចូលចិត្តមុខងារនេះ។ ទោះជាយ៉ាងណា អ្នកធ្វើតេស្តមួយចំនួនផ្សេងទៀតបានរាយការណ៍ថា សំឡេងនឹងឮដោយស្វ័យប្រវត្តិនៅពេលចាប់ផ្ដើមនៅពេលវីដេអូលេងនៅលើ New Feed។ មុខងារនេះ អាចដំណើរការបានសម្រាប់អ្នកលេង Facebook មួយចំនួននៅអូស្ត្រាលី។ វីដេអូនឹងឈប់លេង នៅពេលរំកិលហួស។ អ្នកក៏អាចកំណត់ឱ្យបិទសំឡេង (switch sounds off) នៅក្នុង Settings ឬបិទ (mute) នៅលើទូរស័ព្ទរបស់អ្នកក៏បាន៕