នៅពេលសួរទៅកាន់ម្ចាស់ស្មាតហ្វូនទំនើបថា ទូរស័ព្ទរបស់គេកាន់ថ្មយូរឬអត់ អ្នកខ្លះប្រហែលមិនសប្បាយចិត្តឡើយ ដោយសារថ្វីត្បិតទំនើបមែន ប៉ុន្តែម៉ូដែលខ្លះមិនសូវជាកាន់ថ្មយូរនោះទេ។ តែប្រសិនចង់បានស្មាតហ្វូនកាន់ថ្មយូរ ទំព័រនេះ យើងសូមលើកយកស្មាតហ្វូនមួយម៉ូដែលរបស់ LG គឺ LG X Power។ X Power កាន់ថ្មជាង បណ្ដាស្មាតហ្វូនទំនើបៗនាពេលបច្ចុប្បន្ន មិនថា Note 7, S7, Xiaomi Redmi 3S ឬ iPhone 6s Plus។

ប្រហែលប្រិយមិត្តខ្លះកំពុងស្វែងរកទិញស្មាតហ្វូនកាន់ថ្មយូរហើយតម្លៃសមរម្យ ចំណែក ស្មាតហ្វូនរបស់ក្រុមហ៊ុនចិន Xiaomi ម៉ូដែល Redmi និង Mi Max ក៏ត្រូវគេកត់សម្គាល់ឃើញថា កាន់ថ្មបានរយៈពេលយូរផងដែរ។ ទោះជាយ៉ាងណា វានៅមិនទាន់អាចប្រកួតនឹង LG X Power បាននៅឡើយ ព្រោះទូរស័ព្ទ Android របស់ក្រុមហ៊ុន LG ដែលមានទំហំ ៥,៣អ៊ីញនេះ កាន់ថ្មបានយូរជាងពីរម៉ូដែលរបស់ Xiaomi ទៅទៀត គឺបានរយៈពេល ១៥ម៉ោង និង ១៨នាទី។

  LG X Power កាន់ថ្មបានយូរជាង ២ដង បើប្រៀបធៀបនឹង Galaxy S7 Edge។ ចំណែក iPhone 6s Plus និង Galaxy Note 7 ក៏មិនអាចប្រកួតជាមួយ X Power ដូចគ្នា។ សូមបញ្ជាក់ថា ការធ្វើតេស្តនេះ គឺត្រូវបានគេបើកពន្លឺកម្រិត 200nits។ ក្រុមហ៊ុន LG បានអះអាងថា ស្មាតហ្វូន X Power របស់ខ្លួនអាចកាន់ថ្មបាន ២ថ្ងៃសម្រាប់ការប្រើប្រាស់មិនសូវច្រើន។ ចំពោះការបើកភ្លើងអេក្រង់ជាប់ទុកជាប់ អាចកាន់ថ្មបានរហូតពី ៣ថ្ងៃទៅ ក៏ប្រហែលឡើងដល់ ៤ថ្ងៃ ក្នុងពេលសាកថ្មពេញម្ដង។ ប្រសិនអ្នកកំពុងស្វែងរកទិញទូរស័ព្ទធូរថ្លៃ ថ្មកាន់បានយូរ ប៉ុន្តែចំពោះមុខងារគឺមានកំណត់ ជាក់ស្ដែងដូចជា X Power របស់ LG តែម្ដង។ X Power បំពាក់ដោយបន្ទះឈីបMediaTek MT6735 ៕