Meizu ​ទើប​សម្ពោធ​ស្មាតហ្វូន​កូន​កាត់​ថេ្លបេត​ស៊េរី​ថ្មី M3 Max អេក្រង់ ៦អ៊ីញ​ ថ្ម​ខ្លាំង 4100mAh មាន fingerprint តម្លៃ​តែ $255​



ថ្មីៗនេះក្រុមហ៊ុនទូរស័ព្ទចិន Meizu ទើបសម្ពោធស្មាតហ្វូនកូនកាត់ថេប្លេតជំនាន់ថ្មីផ្លូវការ ឈ្មោះ M3 Max ដែលមានអេក្រង់ទំហំ ៦អ៊ីញ អមដោយកម្រិត resolution ទំហំ 1920x1080px និងមានកម្លាំងថ្មខ្លាំងរហូតដល់ 4100mAh អមដោយបច្ចេកវិទ្យាសាកថ្មឆាប់ពេញ បាន ៤៥% ដោយប្រើត្រឹមតែកន្លះម៉ោងប៉ុណ្ណោះ។

gsmarena_001

M3 Max មានជម្រើសពណ៌ចំនួន៤ បំពាក់ដោយអង្គប្រតិបត្តិ Octa-Core Helio P10 របស់ MediaTek មាន RAM 3GB មេម៉ូរី 64GB និងអាចបន្ថែម microSD បាន។ កាមេរ៉ាក្រោយរបស់ M3 Max ប្រើប្រាស់បច្ចេកវិទ្យា IMX258 sensor ទំហំ 12MP របស់ក្រុមហ៊ុន Sony ជាមួយភ្លើងជំនួយកាមេរ៉ាពីរគ្រាប់ (dual-LED flash) ខណៈដែលកាមេរ៉ាមុខទំហំ 5MP។

gsmarena_003

gsmarena_004

នៅផ្នែកខាងក្រោមអេក្រង់ មាននូវប៊ូតុង Home ប្រភេទ physical បង្កប់ដោយបច្ចេកវិទ្យាស្កេនក្រយៅដៃ និងប្រើប្រាស់ដោយរន្ធ USB Type-C ដូចមាននៅលើផលិតផលរបស់ Motorola និង Apple ដែរ តែ M3 Max ថែមទាំងមានរន្ធកាស 3.5mm ផងដែរ។ M3 Max ដំណើរការដោយប្រព័ន្ធប្រតិបត្តិការ Android Marshmallow ប្រើប្រាស់សូហ្វ៊ែរ Flyme 6 ដូច Meizu Pro 7 ដែរ។ M3 Max នឹងមានចរាចរលក់នៅលើទីផ្សារប្រទេសចិនជាមួយតម្លៃ ២៥៥ដុល្លារអាមេរិក៕
X
5s