របាយការណ៍ថ្មីៗនេះ បានបង្ហាញឱ្យឃើញច្បាស់ នូវម៉ូដែលទូរស័ព្ទដែលទទួលបានប្រជាប្រិយភាពខ្លាំងជាងគេលើលោក នោះគឺ iPhone 6s រីឯលេខ២ បានលើ iPhone 6 ខណៈ ដែល Galaxy S7 Edge ឈរនៅលេខរៀងទី៣។
គេរំពឹងថា ក្រុមហ៊ុន Apple នឹងបន្តទទួលបានជោគជ័យ លក់ទូរស័ព្ទស៊េរី iPhone បានច្រើនបន្តទៀត ក្រោយប្រកាស iPhone 7 និង 7 Plus ហើយ។ ប៉ុន្តែបើតាមការបញ្ជាក់ក្នុងរបាយការណ៍ចុងក្រោយនេះ គ្រាន់តែបង្ហាញនូវស្មាតហ្វូនបច្ចុប្បន្នរបស់ Apple ដែលមានប្រជាប្រិយភាពជាងគេប៉ុណ្ណោះ គឺ iPhone 6s និង 6s Plus។
របាយការណ៍បានឱ្យដឹងថា iPhone 6s គឺជាស្មាតហ្វូនលក់ដាច់បានច្រើនបំផុតនៅត្រីមាសទី២ ឆ្នាំ២០១៦ នេះ។ Apple ត្រូវគេរំពឹងថា អាចលក់ iPhone 6s ដាច់បានប្រមាណ ១៤,២លានគ្រឿង។ ចំណែក iPhone 6 ដែលឈរនៅលេខរៀងទី២ ត្រូវ Apple លក់ដាច់បានចំនួន ៨,៥លានគ្រឿង រីឯ Galaxy S7 edge លក់បាន ៨,៣លានគ្រឿង។ បើគិតជាអត្រាចំណែកទីផ្សារវិញ iPhone 6s ក្ដាប់បាន ៤,២%, iPhone 6 ក្ដាប់បាន ២,៥% ចំណែក Galaxy S7 edge យកបាន ២,៤%៕
