ប្រសិនស្មាតហ្វូនស៊េរីក្រោយរបស់អ្នក អាចប្រើស៊ីមបានតែ១ ទេ ប៉ុន្តែអ្នកមានតម្រូវការប្រើស៊ីមផ្សេងទៀតដើម្បីងាយស្រួលទាក់ទងអាស្រ័យលើប្រព័ន្ធទូរស័ព្ទនោះ ដូច្នេះនេះគឺជាឧបករណ៍ដែលអ្នកកំពុងស្វែងរកហើយ។ អ្នកនឹងចាប់អារម្មណ៍ជាមួយឧបករណ៍ថ្មីនេះដែលមានឈ្មោះថា SIMpro អាចឱ្យទូរស័ព្ទស៊ីម១ ប្រើប្រាស់ជាមួយស៊ីមកាតជាច្រើនទៀតបាន។

SIMpro អនុញ្ញាតឱ្យអ្នកប្រើស៊ីមកាតផ្សេងៗបាននៅលើស្មាតហ្វូនមួយ ឬថេប្លេតមួយ ដោយមិនចាំបាច់ផ្លាស់ប្ដូរ ឬដោះដូរស៊ីមចុះឡើងទេ។ សូមទស្សនាវីដេអូខាងក្រោម ដើម្បីស្វែងយល់ថា តើមុខងារ SIMpro ដំណើរការយ៉ាងណាម៉េចខ្លះ ផ្ដល់ភាពងាយស្រួលដល់អ្នកប្រើយ៉ាងណា? https://youtu.be/tmdYAxItIjQ SIMpro គឺជាឧបករណ៍មួយដែលនឹងអាចដាក់ស៊ីមកាតបានពីរ Dual-SIM adaptor ជាមួយ Data Connection ដែលអាចគ្រប់គ្រងឱ្យលេខទូរស័ព្ទពីរដំណើរការតាមកម្មវិធី iOS App។ វាអាចដំណើរការតាម Bluetooth ដើម្បីតភ្ជាប់ទៅ iPod ឬ iPad ហើយប្រែក្លាយឧបករណ៍នេះទៅជាស្មាតហ្វូនបាន។ SIMpro មានទំហំប្រហាក់ប្រហែលទៅនឹងកាតឥណទានមួយអីចឹង ដូច្នេះអ្នកនឹងមានភាពងាយស្រួលដាក់តាមខ្លួន សម្រាប់ប្រើប្រាស់បានគ្រប់ទីកន្លែង។

ជាមួយ SIMpro អ្នកអាចភ្ជាប់បណ្ដាញទូរស័ព្ទគ្រប់ពេល និងគ្រប់ទីកន្លែង ដោយទុកស៊ីមទី២ នៅក្នុង SIMpro នេះ ហើយភ្ជាប់វាទៅកាន់ឧបករណ៍ ឬស្មាតហ្វូនតាម Bluetooth ហើយអ្នកនឹងទទួលបានសារបញ្ជាក់ថា អ្នកអាចប្រើស៊ីម២ ក្នុងពេលតែមួយ។ SIMpro គាំទ្រការថតទុក នូវសំឡេងសន្ទនាខណៈពេលកំពុងខលទូរស័ព្ទផងដែរ។

បច្ចុប្បន្ន SIMpro កំពុងត្រូវបានគេលើកគម្រោងនៅលើគេហទំព័រ Kickstarter ដើម្បីស្វែងរកមូលនិធិគ្រប់គ្រាន់ មុននឹងសម្រេចផលិតលក់នៅលើទីផ្សារ៕