នៅក្នុង iOS 10 ក្រុមហ៊ុន Apple បានបង្កើតឱ្យមានមុខងារមួយ ដែលផ្លាស់ប្ដូររបៀបនៃការប្រើ touch ID អាចអ្នកប្រើដោះសោ (Unlock) ទូរស័ព្ទរបស់គេ បានយ៉ាងងាយស្រួល និងរហ័ស។ ប្រសិនបើអ្នកខ្ជិលចុចប៊ូតុង Home ដើម្បីបើកបើកអេក្រង់ (Screen On) ឬចុចប៊ូតុង Home ដើម្បីដោះសោ (Unlock) រាល់ដងនោះ ដូច្នេះ សូមអនុវត្តជំហាននេះ ដើម្បីផ្លាស់ប្ដូរពីរបៀបដោះសោថ្មី ដែលធ្លាប់មានរួចហើយនៅលើ iOS 9 មកបង្ហាញនៅក្នុង iOS 10 ដូចខាងក្រោម៖

របៀបផ្លាស់ប្ដូរទម្លាប់នៃការប្រើ Touch ID ដើម្បីងាយស្រួលដោះសោនៅលើ iPhone / iPad ដែលដំណើរការដោយ iOS 10៖

-ចូលទៅ Settings → General ហើយរំកិលចុះក្រោមរកមើលត្រង់ Accessibility

-នៅក្នុងម៉ឺនុយនៃ Accessibility សូមរំកិលចុះក្រោមបន្តិច អ្នកនឹងឃើញមាន Home Button ដូច្នេះសូមចុចលើឃ្លានេះ។

-នៅក្នុងម៉ឺនុយ Home Button ស្វែងរកឃ្លាមួយទៀតគឺ Rest Finger to Unlock រួចទាញបើក (enable) ដែលសម្គាល់ដោយកុងតាក់ពណ៌បៃតង (ដូចរូប)

ឥឡូវនេះ អ្នកអាចចុចលើប៊ូតុង Home ត្រឹមតែម្ដងប៉ុណ្ណោះ នោះនឹងអាច ដាស់ទាំងអេក្រង់ទូរស័ព្ទឱ្យភ្លឺឡើង ហើយថែមទាំងដោះសោបានតែម្ដង៕