Line ដែលជាកម្មវិធីផ្ញើសារអេឡិចត្រូនិកបង្កើតដោយក្រុមហ៊ុនជប៉ុន ពេលនេះបានឈរក្នុងលំដាប់កម្មវិធីដែលពេញនិយមបំផុតក្នុងប្រទេសកំណើតខ្លួន ហើយប្រទេសកម្ពុជាយើង ក៏មានអ្នកប្រើមិនតិចដែរ ខណៈវាកំពុងក្ដោបក្ដាប់ចំណែកទីផ្សារ Instant Messenger បានធំ នៅអាស៊ី ពិសេសគឺប្រទេសថៃ និងឥណ្ឌូណេស៊ី។ បណ្ដាញតភ្ជាប់ទំនាក់ទំនងតាម chat នេះ ពិតជាមានសន្ទុះនៃការប្រើប្រាស់ជុំវិញពិភពលោកឆាប់រហ័ស។ ទំព័រនេះ យើងសូមលើកយកពីគន្លឹះ និងល្បិច ៦យ៉ាងដើម្បីប្រើ Line កាន់តែស្ទាត់ជំនាញ។ ១) ស្វែងរករូប Sticker បានលឿនជាងការរាវរកធម្មតា ដោយការវាយបញ្ចូលអក្សរតែម្ដង

ប្រសិនអ្នកចង់រករូប Sticker បានឆាប់ អ្នកអាចសាកល្បងដោយការវាយបញ្ចូលពាក្យ ឱ្យត្រូវអត្ថន័យនៃរូបនោះបាន។ ឧទាហរណ៍៖ វាយពាក្យ Nice នោះនឹងបង្ហាញបណ្ដុំរូប ដែលបង្ហាញអារម្មណ៍ល្អនេះ។ ២) អ្នកក៏អាចដាក់កម្មវិធី Line នៅលើកុំព្យូទ័របានដែរ ពេលខ្លះ អ្នកប្រហែលជាមនុស្ស ធ្វើការជាមួយកុំព្យូទ័រច្រើន ក៏ដោយសារពេលខ្លះ អ្នកមានកិច្ចការរវល់ច្រើនជាមួយ Laptop ខណៈដែល Line កំពុងរោទ៍ ឥតឈប់ នាំឱ្យអ្នកពិបាក ទៅបើកសោទូរស័ព្ទមើល និងឆ្លើយតប។ ដូច្នេះ អ្នកក៏អាចដំឡើងកម្មវិធី Line នៅលើកុំព្យូទ័របានដែរ ដើម្បីកុំឱ្យអ្នកពិបាកប្រើប្រាស់ឧបករណ៍ច្រើនក្នុងពេលតែមួយ។ ៣) សន្សំសំចៃអ៊ីនធឺណិតក្នុងការផ្ញើចេញរូបថត តាមលក្ខណៈដើម (default) កម្មវិធី Line គឺធ្វើការប្រមូលច្របាច់ (compression) លើរូបថត ដែលអ្នកផ្ញើចេញ។ ប្រសិនអ៊ីនធឺណិតខ្សោយ ឬអ្នកមិនបានភ្ជាប់ Wi-Fi ដូច្នេះ អាចកាត់បន្ថយ ឬសន្សំសំចៃទំហំអ៊ីនធឺណិតដោយការកែប្រែកម្រិតគុណភាពរូបបាន។ ដើម្បីអនុវត្ត ត្រូវចូលទៅ More → Settings → Images & Videos ហើយកែប្រែគុណភាពរូបនៅទីនេះ ដោយប្ដូរពី Standard ទៅ Low វិញ។ ៤) កំណត់ម៉ោងទៅលើ Texts ដែលអ្នកចង់លាក់មិនឱ្យបង្ហាញចេញ

មុខងារ Selt-destructing មិនត្រឹមតែមានសម្រាប់ Snapchat ប៉ុណ្ណោះទេ តែ Line ក៏មានដែរ។ នៅក្នុងផ្ទាំង chat សូមចុចលើសញ្ញាក្បាលព្រួញ ដែលស្ថិតនៅផ្នែកខាងលើ និងខាងស្ដាំ ហើយចុចលើ “Hidden Chat” ដើម្បីបង្កើតផ្ទាំង chat ថ្មី (new chat windows) សម្រាប់ការប្រើទិន្នន័យសន្សំសំចៃ និងដំណើរការផ្ទាំងសន្ទនាបានលឿន។

បន្ទាប់មក នៅក្នុងផ្ទាំង chat ឯកជន សូមចុចលើឈ្មោះ friend របស់អ្នក ដើម្បីកំណត់នៅពេលណាឱ្យសារ បង្ហាញដល់អ្នកឃើញ។ ៥) ប្រើមុខងារ blog នៅលើ Line

ទាំងផ្ទាំង chat ជាលក្ខណៈបុគ្គល និងជាក្រុម (individual | group) គឺមាននូវ message board ដែលអ្នកអាចបង្ហោះ (post) បានដូចជា រូបថត (photos) និងអក្សរ (texts) ដែលអ្នកចង់ទុកមើលពេលក្រោយ។ ដូច្នេះវាមានភាពងាយស្រួល ក្នុងការចងចាំទុក ជាងការសន្ទនា។ នៅក្នុងផ្ទាំង chat សូមអូសពីស្ដាំទៅឆ្វេងដើម្បីមើលមាតិកាដែលគេបង្ហោះ។ ៦) Add friend ក្នុង Line តាមរបៀបថ្មី

ការ Add friend តាមលេខទូរស័ព្ទ គឺជាវិធីសាស្ត្រដែលគេដឹង និងបានប្រើប្រាស់កន្លងមក។ ប្រសិនអ្នកកំពុងស្ថិតនៅជាមួយ friend អ្នកសាកល្បងគ្រវី ទូរស័ព្ទរបស់អ្នក ក្នុងពេលតែមួយ។ សូមចូលទៅ More → Add Friends → Shake it! ហើយកម្មវិធី នឹងជួយភ្ជាប់ទំនាក់ទំនងអ្នកទាំងពីរបាន ដោយមិនចាំបាច់ផ្ញើសារ Add គ្នាតាមអ៊ីនធឺណិតនោះឡើយ៕