ខណៈជ្រុងខ្លះនៃពិភពលោកនៅពុំទាន់បានស្គាល់អ៊ីនធឺណិត 4G នៅឡើយផងនោះ ចំណែកពេលនេះ 5G កំពុងត្រូវបានបំផុសព័ត៌មានជាបន្តបន្ទាប់អំពីដំណើរការអភិវឌ្ឍទៅហើយ។ ក្នុងនោះ ក្រុមហ៊ុនឯកទេសផលិតបន្ទះឈីប Dell ក៏ទើបបង្ហើបឱ្យដឹងដែរថា ម៉ូឌឹម 5G ជិតរួចរាល់ក្នុងការផលិតហើយ ដែលវានឹងមានល្បឿនទាញយក (Download) រហូតដល់ 5Gbps ទៅហើយ។
ល្បឿន 5gigabit/ វិនាទីនេះ នឹងធ្វើឲ្យការទាញយកវីដេអូទំនើប 50GB ចំណាយពេលយ៉ាងខ្លីបំផុតត្រឹមតែប្រហែល ៨០វិនាទីប៉ុណ្ណោះ។ ឈីបម៉ូឌឹមរបស់ Intel មានសមត្ថភាពខ្លាំងបែបនេះ គឺអាស្រ័យដោយការច្របាច់បញ្ចូលនូវបច្ចេកវិទ្យាមួយចំនួននៅក្នុងនោះ ដូចជា: bandwidth aggregation, ultra-low latency frequencies, MIMO, advanced channel coding និង 4G fallback។ វាក៏ត្រូវបានឌីហ្សាញ ដំណើរការជាមួយ 4G សព្វថ្ងៃបានផងដែរ។
ប្រភេទនៃ bandwidth និង extra-low latency លើ 5G network នឹងធ្វើឱ្យល្បឿនបញ្ជូនទិន្នន័យបានយ៉ាងលឿន និងផ្ដល់មាតិកាមាន resolution ខ្ពស់ៗបានល្អ។ 5G network កំពុងត្រូវបានអភិវឌ្ឍដោយបណ្ដាក្រុមហ៊ុនទូរគមនាគមន៍អាមេរិកជាបណ្ដើរៗហើយ ក្នុងនោះមាន ក្រុមហ៊ុន Verizon ជាដើម ដែលបានបង្កើត ឧបករណ៍សម្រាប់ប្រព័ន្ធ 5G សម្រាប់ជួសជុលសេវា 5G នៅក្នុង ១០ទីក្រុង ខណៈដែល AT&T ជួលសញ្ញា 5G ក្នុងការផ្សាយសេវាកម្មទូរស័ព្ទ DirectTV Now របស់ខ្លួនផងដែរ។
ចំណែក T-Mobile វិញមានគម្រោងចូលខ្លួនក្នុងការដាក់ពង្រាយ 5G នៅក្នុងឆ្នាំ២០២០ ខាងមុខ ដែលដំណាក់កាលអភិវឌ្ឍ 5G ដំបូងអាចមានល្បឿន 12Gbps សម្រាប់ល្បឿន Download។ ក្រៅពីក្រុមហ៊ុនអាមេរិកក៏នៅមាន ក្រុមហ៊ុនកូរ៉េខាងត្បូងដែលកំពុងយកចិត្តទុកដាក់អភិវឌ្ឍ 5G ផងដែរ មានដូចជា Samsung និង Korea Telecom ជាដើម ដែលនឹងហក់ចូលទីផ្សារនៅឆ្នាំ២០១៨ ខាងមុខ៕
