ខណៈសាធារណជនយ៉ាងច្រើនកំពុងទន្ទឹងផ្លូវ ស្មាតហ្វូន Nokia ថ្មីល្បីថា នឹងវិលមកបង្ហាញខ្លួននៅលើទីផ្សារសាជាថ្មីនោះ ថ្មីៗនេះ មានពាក្យចចាមអារ៉ាមថា នឹងមាន Nokia 8 Supreme អមជាមួយអេក្រង់ ៥,៧អ៊ីញប្រភេទ Quad HD នឹងត្រូវសម្ពោធចេញអំឡុងព្រឹត្តិការណ៍ MWC 2017 ឆាប់ៗខាងមុខ។
ក្នុងសមាជឧបករណ៍ចល័ត (ទូរស័ព្ទដៃ / ថេប្លេត) MWC ឆ្នាំ២០១៧ ខាងមុខនេះ គេរំពឹងថា នឹងមានស្មាតហ្វូន Nokia ស៊េរីថ្មីសមត្ថភាពខ្ពស់ ចេញមកបង្ហាញខ្លួនផ្លូវការមិនខាន ដែលវាអាចមានម៉ូដែល Nokia 8 Supreme ភ្ជាប់អេក្រង់ ៥,៧អ៊ីញ Quad HD កម្រិត 2560x1440px។ Nokia 8 Supreme មានចចាមអារ៉ាមថា នឹងបំពាក់ឈីប Qualcomm Snapdragon 821 ឬ អាចបំពាក់ដល់ជំនាន់ចុងក្រោយ Snapdragon 835 តែម្ដង។ ស
ផលិតផលថ្មីនេះ ថែមទាំងត្រូវគេរំពឹងទៀតថា អាចភ្ជាប់មកជាមួយ RAM ទំហំ 4GB ឬ 6GB ហើយនឹងមានជម្រើសមេម៉ូរីម៉ាស៊ីនទំហំ 64GB និង 128GB។ រីឯកាមេរ៉ាមានទំហំ 24MP អមដោយបច្ចេកវិទ្យា OIS និង Super EIS ហើយកាមេរ៉ាមុខទំហំ 12MP៕
រង់ចាំអ៊ុតមើលទាំងអស់គ្នា តើ Nokia ពិតជានឹងចេញ Nokia 8 Supreme ដូចចចាមអារ៉ាមនេះឬទេ? ចុះប្រសិនមានពិត តើប្រិយមិត្តណាខ្លះ ចុះឈ្មោះជា Fan របស់ Nokia ម្ដងទៀត?
