​ថេប្លេត​ Microsoft Surface Pro 4 ​លក់​បញ្ចុះ​តម្លៃ​ដល់​ទៅ ១០០ដុល្លារ​នៅ​អាមេរិក ប្រូមូសិន​ដល់​ថ្ងៃ​២៨ មករា​



ពិតជា​ពិសេស​សម្រាប់​លោកអ្នក​ដែល​មាន​ចំណាប់អារម្មណ៍ និង​កំពុង​ចង់​ស្វែងរក​កុំព្យូទ័រ​កាត់​ថេប្លេត ងាយស្រួល​យក​តាម​ខ្លួន​នោះ ព្រោះ​ថា ថ្មីៗ​នេះ ក្រុមហ៊ុន Microsoft មាន​ប្រូមូសិន​លក់​បញ្ចុះ​តម្លៃ​រហូត​ដល់ ១០០ដុល្លារ នៅ​លើ​ទីផ្សារ​អាមេរិក​ប៉ុណ្ណោះ។ ដូច្នេះ​ប្រសិន អ្នក​នៅ​អាមេរិក​ផ្ទាល់ ឬ​មាន​សាច់ញាតិ ក៏​ដូច​ជា​មិត្តភ័ក្ដិ​នៅ​ទីនោះ អាច​ចាប់យក​ឱកាស​ប្រូមូសិន​ Surface Pro 4 នេះ​បាន។

ថេប្លេត Surface Pro ម៉ូដែល​ភ្ជាប់​អង្គ​ផ្ទុក​ទិន្នន័យ 128GB បំពាក់​ឈីប Intel core i5 ត្រូវ​បាន​ដាក់​លក់​ដោយ Microsoft ក្នុង​តម្លៃ ៨៩៩ដុល្លារ ខណៈ​ដែល​តម្លៃ​ដើម​គឺ ៩៩៩ដុល្លារ។ ម៉ូដែល​នេះ ភ្ជាប់​មក​នូវ RAM ទំហំ 4GB ​ដែល​វា​ស័ក្ដិសម​សម្រាប់​ការ​ប្រើប្រាស់​ក្នុង​វិស័យ​អប់រំ ហើយ​កាន់តែ​ពិសេស​នោះ​ប្រសិន​អ្នក​ជា​សិស្ស/និស្សិត នឹង​ទទួល​បាន​ការ​បញ្ចុះ​តម្លៃ​បន្ថែម ១០% ពី​លើ​នេះ​ថែមទៀត។ កម្មវិធី​បញ្ចុះ​តម្លៃ​នេះ នឹង​មាន​សុពលភាព​រហូត​ត្រឹម​ថ្ងៃ​ទី ២៨ ខែ​មករា​នេះ​ប៉ុណ្ណោះ៕
X
5s