វា​អាច​ជា​រឿង​លែង​ចម្លែក​អ្វី​ហើយ ក្នុង​ការ​បិទបាំង​កាមេរ៉ា​នៅ​លើ Laptop របស់​អ្នក​នោះ ព្រោះ​នេះ​ជា​ការ​រក្សា​ការ​សម្ងាត់​ជៀសវាង​បែកធ្លាយ ម្យ៉ាង​សូម្បី​តែ​លោក Mark Zuckerberg ​នាយក​ប្រតិបត្តិ​ក្រុមហ៊ុន Facebook ទាំង​មូល ក៏​ទទួល​ស្គាល់​ចំណុច​នេះ​ផង​ដែរ។ ហើយ Zuckerberg ថែមទាំង​បិទ​ស្គត់​ទៅ​លើ​រន្ធ​ស្រូប​សំឡេង (mic) ទៀត​ផង។ តើ​មូលហេតុ​អ្វី​ខ្លះ​ ទើប​អ្នក​ជំនាញ ណែនាំ​ឱ្យ​អ្នក​គួរតែ​គ្រប ឬ​បិទបាំង​កាមេរ៉ា​លើ Laptop ដូច្នេះ? https://youtu.be/InLkRUpzW9A   តាម​អ្នក​ជំនាញ​របស់​គេហទំព័រ Business Insider ឱ្យ​ដឹង​ថា សកម្មភាព​ទាំងឡាយ​របស់​អ្នក​ដែល​ស្ថិត​នៅ​ចំ​ពី​មុខ​កាមេរ៉ា​កុំព្យូទ័រ (webcam) មិន​តែ​ប៉ុណ្ណោះ​កាមេរ៉ា​សុវត្ថិភាព​ដែល​អ្នក​ដាក់​តាម​ផ្ទះ​ក៏​ដូច​គ្នា គឺ​អាច​មាន​ការ​លួច​ឃ្លាំមើល​សកម្មភាព​របស់​អ្នក។

សូម​បញ្ជាក់​ថា ស្ថាប័ន FBI ក៏​ធ្លាប់​បាន​ចេញ​សេចក្ដី​ណែនាំ​ឱ្យ​អ្នក​ប្រើ​កុំព្យូទ័រ​ប្រុងប្រយ័ត្ន​ការ​លួច​ឃ្លាំ​មើល​សកម្មភាព​របស់​អ្នក ដោយ​ក្រុម Hacker យល់​ល្អ បើ​មិន​ទាន់​ត្រូវ​គេ​ប្រើ គួរ​តែ​គ្រប​ឱ្យ​ជិត។ ការ​ទុក Webcam ចំហ​ចោល​អាច​ជា​ឱកាស​ទុក​ឱ្យ Hacker អង្គុយ​មើល​សកម្មភាព​គ្រប់​យ៉ាង​របស់​អ្នក​៕ ដោយ៖ រឹទ្ធិរាជ ប្រភព៖ techinsider