ការភ្ជាប់ទំនាក់ទំនងរវាងមនុស្សនាសម័យនេះវាពិតជាជឿនលឿន រយៈពេលតែប៉ុន្មានវិនាទីគឺជាឆ្លើយឆ្លងគ្នាមិនថា ជាការនិយាយដោយសំឡេង ឬដោយសារផ្ញើសារអេឡិចត្រូនិក។ នេះដោយសារកម្មវិធីផ្ញើសារអនឡាញ (instant messenger) គឺត្រូវបានអភិវឌ្ឍជាបន្តបន្ទាប់ មិនថា Facebook, Line, Viber, WeChat ឬ WhatsApp នោះទេ។ ទំព័រនេះ យើងសូមលើកយក គន្លឹះប្រើ WhatsApp ៧ ចំណុចមកបង្ហាញជូនប្រិយមិត្តដូចខាងក្រោម៖
១) បិទ សញ្ញាធីកខៀវ ទោះបីអ្នកបានអានសារ ហើយក៏ដោយ (Dodge the blue ticks)
ចូលទៅ Settings → Account → Privacy → Read Receipts ហើយដកធីក (uncheck) ប្រអប់នោះជាការស្រេច។ ស
២) មើលថា នរណាបានអានសាររបស់អ្នកហើយ (See who's read your messages)
ការសន្ទនា chat ជាក្រុមដែលមានគ្នាច្រើននាក់ នោះអ្នកប្រាកដជាចង់ដឹងថា តើសាររបស់អ្នក មាននរណាខ្លះបានឃើញ ហើយនរណាខ្លះមិនទាន់បានអាន។ ដើម្បីមើលដឹងនោះ អ្នកគ្រាន់តែចុចលើសាររបស់អ្នកដែលបានផ្ញើចូល Group ឱ្យជាប់យូរបន្តិចនឹងមានលោតសញ្ញាឧទាន (i) នៅពេលចុចលើនោះ អ្នកនឹងឃើញ ថាតើនរណាខ្លះបាន Read។
៣) លាក់ 'last seen' របស់អ្នក (Hide your 'last seen' time)
ចំណុចពិសេសមួយនៅលើ WhatsApp នោះគឺអាចឱ្យអ្នកប្រើ ធ្វើការលក់ 'last seen' time របស់ខ្លួនបាន។ គេធ្វើនេះ គឺដើម្បីមិនចង់ឱ្យ friend នៅក្នុងបញ្ជី Contact របស់អ្នក មើលដឹងថា តើពេលណាអ្នកទើប offline ចុងក្រោយ។ ដើម្បីលាក់ ត្រូវចូលទៅ Settings → Account → Privacy → Last Seen។
៤) បិទសំឡេងសម្រាប់ការសន្ទនាក្រុមណាមួយដែលអ្នកមិនចង់មានការរំខាន (Mute group conversations)
ចុចលើប៊ូតុង Menu នៅក្នុង group chat ហើយចុចយក Mute សម្រាប់ Android។ ចំណែក iPhone ត្រូវរកជម្រើសដូចគ្នានៅក្នុង Group Infor នៃការសន្ទនា។
៥) កំណត់ទំហំអ៊ីនធឺណិតជាក់លាក់សម្រាប់ការប្រើប្រាស់
WhatsApp កាន់តែពិសេសនោះគឺអាចឱ្យអ្នកកំណត់ទំហំអ៊ីនធឺណិតសម្រាប់ការបើកឱ្យប្រើនៅលើកម្មវិធីមួយនេះ។ ដើម្បីកំណត់ ត្រូវចូលទៅស្វែងរកជម្រើស Data Usage រួចហើយកំណត់ទំហំដែលមិនចង់ឱ្យប្រើលើស។
៦) សរសេរសារដោយមិនបាច់ប្រើដៃចុច (Type hands-free)
សុំទោស មុខងារនេះមិនមានសម្រាប់ Android ទេ គឺដំណើរការបានតែនៅលើ iOS ប៉ុណ្ណោះ។ iOS 10 អ្នកអាចដំណើរការជាមួយពាក្យបញ្ជា Siri ដើម្បីបញ្ជា WhatsApp ឱ្យសរសេរចេញនូវអ្វីដែលអ្នកនិយាយ។
៧) កំណត់ចំណាំលើសារដែលអានហើយ ធ្វើដូចមិនទាន់អាន (Mark chats as unread)
សារសំខាន់ៗជាច្រើនដែលមិត្តភ័ក្ដិបានផ្ញើមកប្រហែលពេលខ្លះអ្នកមិនបានឆ្លើយតបភ្លាមៗ ដូច្នេះអ្នកអាចកំណត់ចំណាំ Mark រាល់ chat សំខាន់ៗទាំងនោះ ជាសារ Unread ដើម្បីអ្នកមិនភ្លេចក្នុងការឆ្លើយតបនៅពេលក្រោយ។ អ្នកប្រើទូរស័ព្ទ Android ត្រូវចុចលើបទសន្ទនានោះជាប់ long-pressing ហើយចុចលើ Mark as Unread នៅក្នុងម៉ឺនុយ ខណៈដែល iOS ត្រូវចូលប្រើ Option នេះដោយចុចទាញពីឆ្វេងទៅស្ដាំនៃ chat នីមួយៗដែលចង់កំណត់៕
ដោយ៖ រឺទ្ធិរាជ
ប្រភព៖ independent
