ទស្សនា​ ឡានហោះ​មាន​ពិត​លើ​លោក​គឺ​ AreoMobil របស់​ស្លូវ៉ាគី​ ហោះ​​​ម្ដង​បាន​ចម្ងាយ ៧០០គីឡូម៉ែត្រ (Video)​



ឡាន​ហោះ AreoMobil 3.0 នេះ​គឺ​ជា​សមិទ្ធផល​របស់​ក្រុមហ៊ុន AreoMobile មាន​មូលដ្ឋាន​នៅ​សាធារណរដ្ឋ​ស្លូវ៉ាគី​ដែល​ត្រូវ​បាន​ចាប់ផ្ដើម​អភិវឌ្ឍ​តាំងពី​ឆ្នាំ១៩៨៩ ម្ល៉េះ។ នៅ​ក្នុង​ការ​ធ្វើតេស្ត​ដាក់​ឱ្យ​ហោះហើរ រថយន្ត​ទំនើប​នេះ​មាន​សមត្ថភាព​អាច​ហោះហើរ​ក្នុង​ល្បឿន ១៩៩,៥គីឡូម៉ែត្រ និង​ហោះ​បាន​រយៈ​ចម្ងាយ ៦៩២គីឡូម៉ែត្រ​នៅ​ពេល​បញ្ចូល​ហ្គាស់​ពេញ។

ម្ចាស់​ដែល​ជាវ AreoMobil 3.0 ទៅ​ប្រើ នឹង​ទទួល​បាន​បទពិសោធន៍​ថ្មី​គួរ​ឱ្យ​ភ្ញាក់ផ្អើល​ជាមួយ​បច្ចេកវិទ្យា​ទំនើប​អាច​ហោះ​បាន​របស់​វា។ AreoMobil 3.0 ​ដើរ​តួ​ជា​រថយន្ត​ផង និង​ប្រដូច​បាន​ទៅ​នឹង​ឧទ្ធម្ភាគចក្រ​ផង​។ ឡាន​ហោះ​នេះ អាច​រត់​នៅ​លើ​ផ្លូវ​ថ្នល់ ​បាន​ដូច​រថយន្ត​ទូទៅ ដែល​អ្នក​អាច​ឈប់​សំចត​បាន​ជា​ធម្មតា។ វា​ដំណើរការ​ដោយសារ​ហ្គាស់ ដែល​គេ​អាច​បញ្ចូល​ហ្គាស់​នៅ​ស្ថានីយ​ហ្គាស់​ផ្សេងៗ​បាន។

រថយន្ត​ចេះ​ប្រែកាយ​សំកាំង​ស្លាប​ដូច​បក្សី​របស់​ក្រុមហ៊ុន AreoMobil នេះ​មាន​អត្រា​ស៊ី​សាំង ៨,១១លីត្រ/១០០គីឡូម៉ែត្រ។ សូម​ទស្សនា​វីដេអូ​សមត្ថភាព​ហោះហើរ​របស់​រថយន្ត AreoMobil ខាង​ក្រោម៖ https://youtu.be/fZ6jMH925uw https://youtu.be/kzYb68qXpD0 គួរ​បញ្ជាក់​ថា ប៉ុន្មាន​ឆ្នាំ​ចុង​ក្រោយ​នេះ​មាន​ក្រុមហ៊ុន​រថយន្ត​មួយ​ចំនួន​បាន​ផលិត​រថយន្ត​អាច​ហោះ​បាន​ជា​បណ្ដើរៗ​ហើយ ក្នុង​នោះ​មាន​​ រថយន្ត PAL-V របស់​ក្រុមហ៊ុន​ហុឡង់ដ៍ C.Klok រថយន្ត​ម៉ាក TF-X របស់​ក្រុមហ៊ុន​អាមេរិក Terrafugia និង​រថយន្ត Aeromobil នេះ​តែ​ម្ដង៕​ ដោយ៖ រឹទ្ធិរាជ ប្រភព៖ cnet, aeromobil
X
5s