Facebook បាន​កំពុង​ធ្វើការ​ពាក់ព័ន្ធ​បញ្ហា​មួយ​ដែល​អ្នក​លេង Facebook ជាច្រើន​កំពុង​ជួប ឬ​ឃើញ​នៅ​លើ News Feed ពោល​វា​គឺ​ជា​ព័ត៌មាន​ក្លែងក្លាយ​តែម្ដង។ ក្រុមហ៊ុន​បណ្ដាញ​សង្គម​ខ្នាត​យក្ស​មួយ​នេះ បាន​លើកឡើង​ថា ខ្លួន​កំពុង​ធ្វើការ​ផ្លាស់ប្ដូរ​ទម្រង់ការ​ខ្លះៗ ពាក់ព័ន្ធ​នឹង​ដំណើរការ algorithm នៃ News Feed។ ប្រព័ន្ធ​ផ្សព្វផ្សាយ​បច្ចុប្បន្ន​មាន​ភាព​ទូលំទូលាយ​បាន ក៏​អាស្រ័យ​បាន​សេវាកម្ម​បណ្ដាញ​សង្គម Facebook ​រួម​ចំណែក​មួយ​ផ្នែក​ផង​ដែរ។ មនុស្ស​ហាក់​ងាក​ទៅ​ចាប់អារម្មណ៍​លើ​ការ​ផ្សព្វផ្សាយ​តាម Social Network ខ្លាំង ដោយសារ​សង្កេត​ឃើញ​អត្រា​អ្នក​ប្រើប្រាស់​បណ្ដាញ​សង្គម​នេះ គឺ​មាន​ច្រើន​ទូទាំង​សកលលោក ហើយ​ក្នុង​នោះ​ក៏​រាប់​បញ្ចូល​ទាំង​ប្រទេស​កម្ពុជា​ផង​ដែរ។ ដោយសារ​បែប​នេះ ទើប​មាន​ក្រុម​ជន​មួយ​ចំនួន រិះរក​មធ្យោបាយ​ ទាញ​ចំណាប់អារម្មណ៍​អ្នក​ប្រើ Facebook តាម​រយៈ​ការ​បង្កើត​ព័ត៌មាន​ប្លែកៗ ហើយ​ខ្លះ​គឺ​ជា​ព័ត៌មាន​ក្លែងក្លាយ។ ​ក្រុមហ៊ុន Facebook មាន​ការ​មើល​ធ្ងន់​លើ​ការ​ជះឥទ្ធិពល​មិន​ល្អ​ចំពោះ​ការ Share ព័ត៌មាន Fake ទាំង​នោះ ក៏​ចាប់ផ្ដើម​ស្វែងរក​វិធីសាស្ត្រ និង​អភិវឌ្ឍ​ឱ្យ Facebook បង្ហាញ​តែ​ព័ត៌មាន​ពិត​ប៉ុណ្ណោះ។ បណ្ដាញ​សង្គម​ធំ​ជាង​គេ​លើ​លោក​នេះ កំពុង​រៀបចំ​រចនាបថ​នៃ​ការ​បង្ហាញ News Feed ថ្មី ដែល​ក្រុមហ៊ុន​មើល​លើ​សញ្ញាណ​មួយ​ចំនួន​ពាក់ព័ន្ធ​នឹង​អ្នក ដូច​ជា ភាព​ជិតដិត​រវាង​អ្នក​នឹង​ការ​បង្ហោះ​ដោយ​មនុស្ស ឬ​ទំព័រ Page៕ ប្រែ​សម្រួល៖ រឹទ្ធិរាជ ប្រភព៖  Facebook