ប្រិយមិត្តភាគច្រើនប្រាកដជាស្គាល់ Printscreen នៅលើ Keyboard កុំព្យូទ័រហើយ ដែលគេប្រើសម្រាប់ថតផ្ទៃអេក្រង់ (screenshot) ហើយជម្រើសនេះ នៅតែអាចបន្តប្រើគ្រប់ៗជំនាន់ Windows តមកដល់ Windows 10 សព្វថ្ងៃ។ ចុច Key “PrinScn” គឺវានឹងចាប់យករូបស្គ្រីននៅលើអេក្រង់កុំព្យូទ័រ ហើយ copy ចូលទៅ Clipboard បន្ទាប់មកអ្នក អាច Paste វាចូលទៅកម្មវិធីកែរូបផ្សេងៗ និងសូម្បីតែ Microsoft Word ក៏បាន។
ទោះជាយ៉ាងណា ការ screenshot នៅមានជម្រើសលើសពីនេះទៀតក្នុងការធ្វើ ដែលអ្នកអាចស្វែងយល់ ដើម្បីជាចំណេះដឹងបន្ថែមបាន៖
#Windows 10 Screenshot Keyboard Shortcuts
ប្រសិនអ្នកមិនចង់ខ្វាយខ្វល់ទៅដំឡើងកម្មវិធីបន្ថែម third-party អ្វីនោះទេ អ្នកក៏អាចប្រើមុខងារភ្ជាប់ជាមួយ Windows OS មកស្រាប់។
-ចុច Windows Key + PrtScn : Windows 10 នឹងចាប់យក screenshot ហើយ save វាជាឯកសារ PNG នៅក្នុងថតឯកសារ Pictures ដែលអាចទៅរកនៅ File Explorer។
-Alt + PrtScn: វាជាជម្រើសល្អមួយ ប្រសិនអ្នកចង់បាន screenshot តែទៅលើផ្ទាំងកម្មវិធី ឬផ្ទាំង Windows ណាមួយកំពុងដំណើរការ (active) នោះ។ ឧទាហរណ៍ អ្នកកំពុងបើកកម្មវិធី Microsoft Word ហើយចង់ screenshot តែទៅលើកម្មវិធី Word ទាំងមូល ដោយមិនត្រូវការថត screen កុំព្យូទ័រទាំងស្រុង សូមចុច Alt+PrtScn។
ចំណាំ៖ Alt+PrtScn នឹង Copy រូប shot របស់អ្នកទៅកាន់ Clipboard ដូច្នេះអ្នកអាច Paste វាទៅក្នុងឯកសារ ឬកម្មវិធីកែរូបផ្សេងៗដូចជា Microsoft Paint ជាដើម។ វាមិនធ្វើ backup copy ទៅក្នុងថតឯកសារ Picture នោះទេ។
-Windows Key + Volume down : គន្លឹះនេះប្រើសម្រាប់ឧបករណ៍ថេប្លេតដើរដោយ Windows 10 ដូចជា Microsoft ជាដើម។
#Shortcuts ផ្សេងៗទៀតដែលអ្នកអាចសាកល្បងបាន៖
-Windows Key + Ctrl + PrtScn: អ្នកអាចសាកល្បងវាបាន ប្រសិនអ្នកមិនអាចដំណើរការជាមួយ shortcuts ខាងលើ ព្រោះ laptop និងឧបករណ៍ខ្លះតម្រូវឱ្យ modified key comb។ អ្នកក៏អាចសាកល្បងដោយចុច Windows Key + Ctrl + PrtScn ឬ Windows Key + Fn + PrtScn ដែលកុំព្យូទ័រខ្លះ ដំណើរការបាន។
#ប្រើ Snipping Tool មុខងារមានស្រាប់នៅលើ Windows 7, 8, 10
ជាកម្មវិធីមាននៅលើ Windows ស្រាប់ ដែលមានលក្ខណៈសាមញ្ញ ងាយស្រួលប្រើក្នុងការកាត់រូប screenshot។ មនុស្សជាច្រើនប្រើមុខងារនេះ ជាជាងចុច PrnScn។
ដោយ៖ រឹទ្ធិរាជ
ប្រភព៖ groovypost
