ខណៈ​ទីផ្សារ​ស្មាតហ្វូន​កំពុង​មាន​ការ​ប្រកួតប្រជែង​ខ្លាំង ក្រុមហ៊ុន​ទូរស័ព្ទ​ធំៗ​បាន​ខិតខំ​ផលិត​ចេញ​ស្មាតហ្វូន​លក្ខណៈ​សម្បត្តិ​ខ្ពស់ៗ រឹតតែ​បំពេញ​ចិត្ត​អ្នក​ប្រើ​ក្នុង​សម័យ​បច្ចេកវិទ្យា​ទំនើប​នេះ។ ដូច្នេះ​ទំព័រ​នេះ យើង​សូម​លើក​យក ស្មាតហ្វូន​ល្អ​បំផុត​ចំនួន ៩ម៉ូដែល​មក​បង្ហាញ​ជូន​ប្រិយមិត្ត​ដូច​ខាង​ក្រោម៖ ៩) ​OnePlus 3T (តម្លៃ​ប្រហែល $440)

ជា​កំពូល​ស្មាតហ្វូន​ល្អ​បំផុត​មួយ ដែល​មាន​សមត្ថភាព​ខ្ពស់ ទាំង​នៅ​លើ​កាមេរ៉ា និង​បន្ទះ​ឈីប Snapdragon 820 និង Snapdragon 821, កាមេរ៉ា 16MP ​ភ្ជាប់​មុខងារ stabilization ​សម្រាប់​ថត​វីដេអូ ហើយ​កាមេរ៉ា​មុខ​ទំហំ 8MP មាន​ជម្រើស​ពណ៌​ខ្មៅ​ក្រឹប​ទាន់សម័យ។ ៨) iPhone SE (តម្លៃ​ប្រហែល $399)

iPhone អេក្រង់ ៤អ៊ីញ​នេះ ​ជា​ស្មាតហ្វូន​តូច​ច្រឡឹង​របស់ Apple ​អាច​ប្រើប្រាស់​កម្មវិធី​ល្អ​បំផុត, ecosystem, support ​មាន​សមត្ថភាព​ដូច​ជា iPhone 6S ​តែ​មាន​អេក្រង់​តូច​ជាង ហើយ​ក៏​មាន​តម្លៃ​ធូរ​ជាង ត្រឹមតែ ៤០០ដុល្លារ។ វា​គាំទ្រ​មុខងារ Apple Pay, Live Photo ​និង​មុខងារ​ស្កេន​ក្រយៅដៃ fingerprint។ ៧) iPhone 6s (តម្លៃ​ប្រហែល $502)

iPhone 6s ​ក៏​ជា​ស្មាតហ្វូន​ល្អ​បំផុត​មួយ ដែល​អាច​ពិចារណា​ទិញ​ប្រើ​បាន ដោយ​វា​មាន​តម្លៃ​ធូរ​ថ្លៃ​ជាង iPhone 7 ​១០០ដុល្លារ។ ៦) iPhone 6s Plus (តម្លៃ​ប្រហែល $650)

​ពេល iPhone 7 Plus ​ចេញ​លក់​លើ​ទីផ្សារ ទូរស័ព្ទ iPhone 6s Plus ក៏​ត្រូវ​បាន​លក់​បញ្ចុះ​តម្លៃ ១០០ដុល្លារ។ ដូច្នេះ​ ជា​ពេល​ដែល​អ្នក​អាច​ពិចារណា​ទិញ iPhone 6s Plus នេះ​បាន។ យ៉ាងណា iPhone 6s Plus មិន​មាន​មុខងារ​មិន​ជ្រាប​ទឹក water resistance និង dual-lens camera ​ដូច iPhone 7 Plus នោះ​ទេ។ ៥) Galaxy S7 (តម្លៃ​ប្រហែល $490) ជា​ស្មាតហ្វូន​មាន​ការ​ឌីហ្សាញ​ស្អាត ​បំពាក់​កាមេរ៉ា​សមត្ថភាព​ខ្ពស់ អាច​ប្រកួតប្រជែង iPhone 7 Plus បាន។ ហើយ S7 ក៏​ជា​ស្មាតហ្វូន កម្លាំង​ខ្លាំង និង​មិន​ជ្រាប​ទឹក​ផង​ដែរ។ ៤) Galaxy S7 Edge (តម្លៃ​ប្រហែល $585)

Galaxy S7 Edge មាន​លក្ខណៈ​ពិសេស​នៅ​លើ​អេក្រង់​កោង​របស់​វា។ ស្មាតហ្វូន​នេះ​មាន​អេក្រង់​ទំហំ ៥,៥អ៊ិញ ​ថ្ម​ធំ​ជាង​ Galaxy S7 ធម្មតា ​ហើយ​ក៏​មាន​មុខងារ​មិន​ជ្រាប​ទឹក water resistance ​ផង​ដែរ។ S7 Edge ​មាន​នូវ​មុខងារ​បង់​ប្រាក់​តាម​ទូរស័ព្ទ​ដៃ Samsung Pay និង​មាន​រន្ធ​សម្រាប់​បន្ថែម microSD បាន​ទៀត។ មិន​យូរ​ទៀត​ទេ Samsung នឹង​បញ្ចេញ​ Galaxy S8 ​ដែល​រឹតតែ​មាន​លក្ខណៈ​ពិសេស​ជាង S7 Edge អាច​នឹង​សម្ពោធ​ផ្លូវការ​នៅ​អំឡុង​ចុង​ខែ​មីនា​ខាង​មុខ។ ៣) iPhone 7 (តម្លៃ​ប្រហែល $650)

គ្មាន​អ្វី​ត្រូវ​សង្ស័យ​ឡើង ដែល iPhone 7 ​មាន​នូវ app ល្អ​បំផុត និង​ប្រព័ន្ធ ecosystem ​សម្រាប់​ផ្ដល់​អត្ថប្រយោជន៍​ដល់​អ្នក​ប្រើ។ iPhone 7 ពិសេស​ត្រង់​ថា ទូរស័ព្ទ​នេះ​ត្រូវ​បាន​អភិវឌ្ឍ​ចេញ ជាមួយ​កាស​ឥតខ្សែ AirPods ​ដ៏​ទំនើប ដែល​ជា​កាស​ wireless ដំបូង​របស់ Apple។ ២) iPhone 7 Plus (តម្លៃ​ប្រហែល $769)

iPhone 7 Plus កាន់តែ​ពិសេស​ជាង iPhone 7 ដោយ​ទូរស័ព្ទ​នេះ ត្រូវ​បាន​បំពាក់​នូវ​កាមេរ៉ា​ក្រោយ​ចំនួន២ (dual-lens) ​ថត​រូប​ច្បាស់ ស្អាត​ល្អ។ កាមេរ៉ា​នេះ ភ្ជាប់​មក​នូវ​មុខងារ “bokeh ” ដែល​អាច​ថត​ដូច​កាមេរ៉ា​អាជីព​អីចឹង។ កាមេរ៉ា iPhone 7 Plus មាន 2x optical zoom ដែល​មាន​ន័យ​ថា អាច zoom រូប​ភាព ដោយ​មិន​ប៉ះពាល់​ដល់​គុណភាព​នោះ​ឡើយ។ ១) Google Pixel XL (តម្លៃ​ប្រហែល $769)

ជា​ស្មាតហ្វូន​ត្រកូល Pixel ដំបូង​របស់ Google ហើយ​ក្រុមហ៊ុន​បាន​ផ្ដោត​អភិវឌ្ឍ​យ៉ាង​ខ្លាំង​ទៅ​លើ​ទូរស័ព្ទ​មួយ​នេះ ដោយ​បាន​បំពាក់ hardware សមត្ថភាព​ខ្ពស់ ខ្ពស់​ជាង​ត្រកូល Nexus។ អេក្រង់​ទូរស័ព្ទ​នេះ ទំហំ ៥,៥អ៊ីញ ជា​បងប្អូន​នឹង Google Pixel ដែល​មាន​អេក្រង់​តូច​ជាង​នេះ។ វា​មាន​តួ​ផលិត​ពី​អាលុយមីញ៉ូម រឹងមាំ សមាន​មុខងារ​កាមេរ៉ា HDR Mode ធ្វើ​ឱ្យ​រូប​ថត​ចេញ​មក​បាន​ច្បាស់។ ប្រែ​សម្រួល៖ រឹទ្ធិរាជ ប្រភព៖ businessinsider