ខណៈ​មាន​សាធារណជន​មិន​តិច​កំពុង​ទន្ទឹង​ចាំ​អ៊ុត​មើល​កំពូល​ទូរស័ព្ទ​ជំនាន់​ថ្មី​របស់ Apple ដែល​ជា iPhone 8 នោះ ថ្មីៗ​នេះ ស្រាប់តែ​មាន​សេចក្ដី​​រាយការណ៍​ពី​គេហទំព័រ Fast Company ​មក​ថា iPhone ជំនាន់​ទី១១ នេះ ពេល​ចេញ​លក់​នឹង​មាន​តម្លៃ​លើស ១០០០ដុល្លារ​អាមេរិក។ https://youtu.be/rzeeTsEUYsA ប្រិយមិត្ត​ច្បាស់​ក្នុង​ចិត្ត​ហើយ​ថា ឆ្នាំ២០១៧ នេះ ក្រុមហ៊ុន Apple នឹង​សម្ពោធ​ចេញ iPhone ស៊េរី​ថ្មី​ប៉ុន្តែ​អាច​មាន ៣ម៉ូដែល​ដែល​ក្នុង​នោះ នឹង​មាន​អេក្រង់ ៤,៧អ៊ីញ ហើយ​ម៉ូដែល ៥,៥អ៊ីញ អាច​មាន​ដល់​ពីរ​ម៉ូដែល។ យោងតាម​គេហទំព័រ Fast Company ឱ្យ​ដឹង​ថា ម៉ូដែល​ខ្ពស់​បំផុត (top model) អាច​មាន​តម្លៃ​ជាង ១ពាន់​ដុល្លារ (តម្លៃ​ចេញ​ពី Apple ផ្ទាល់)។ iPhone 8 ត្រូវ​គេ​រំពឹង​ថា នឹង​ត្រូវ Apple ធ្វើការ​ឌីហ្សាញ​រូបរាង​ថ្មី ក៏​ដូច​ជា​បំពាក់​លក្ខណៈ​សម្បត្តិ​ខ្ពស់​ជាង​មុន ទំនើប​ជាង​មុន។ តាម​របាយការណ៍​មិន​ឱ្យ​ដឹង​ថា iPhone 8 និង 8 Plus នឹង​ត្រូវ​ឌីហ្សាញ​ ក្រាល​ដោយ​កញ្ចក់​ផ្នែក​ខាង​ក្រោយ ហើយ​មាន​ស៊ុម អាច​ត្រូវ​បាន​ព័ទ្ធ​ដោយ​សារធាតុ​អ៊ីណុក​ប្រភេទ stainless steel ​ជំនួស​អាលុយម៉ីញ៉ូម។ iPhone 7 ម៉ូដែល​ខ្ពស់​បំផុត​ដែល​មាន Memory ទំហំ 256GB ​សព្វ​ថ្ងៃ​គឺ​មាន​តម្លៃ ៩៦៩ដុល្លារ ដូច្នេះ iPhone 6 Plus ដែល​ភ្ជាប់​អេក្រង់​ប្រភេទ OLED អាច​មាន​តម្លៃ​មិន​ថោក​ជាង ១០០០ដុល្លារ​នោះ​ទេ។ ក្រុមហ៊ុន Apple ត្រូវ​គេ​រំពឹង​ថា នឹង​ប្រកាស​ចេញ iPhone 8/8 Plus ​នៅ​អំឡុង​ខែ​កញ្ញា​ចុង​ឆ្នាំ២០១៧ នេះ ដែល​ទូរស័ព្ទ​នេះ នឹង​ភ្ជាប់​មក​រួច​ជា​ស្រេច​នូវ​ប្រព័ន្ធ​ប្រតិបត្តិការ iOS 11 ដែល​នឹង​ត្រូវ​ក្រុមហ៊ុន​ធ្វើ​បទបង្ហាញ​ក្នុង​អំឡុង​សន្និសីទ WWDC ប្រចាំ​ឆ្នាំ៕ ប្រែ​សម្រួល៖ រឹទ្ធិរាជ ប្រភព៖ Fast Company