LG គឺ​ជា​ក្រុមហ៊ុន​ដំបូង​ដែល​បាន​បញ្ចេញ​នាឡិកា​ឆ្លាតវៃ​ដើរ​ដោយ​ប្រព័ន្ធ​ប្រតិបត្តិការ Android Wear 2.0 ដំបូង​គេ។ ថ្មីៗ​នេះ LG បាន​ប្រកាស​ចេញ Smartwatch ថ្មី​ពីរ​ស៊េរី​ដែល​មាន​ម៉ូដែល LG Watch Style និង LG Watch Sport។

LG Watch Style

សម្រាប់​នាឡិកា LG Watch Style បាន​ភ្ជាប់​មក​នូវ​អេក្រង់​ទំហំ ១,២អ៊ីញ P-OLED ​ជាមួយ resolution ​កម្រិត 360x360px ​និង​មាន​ដង់ស៊ីតេ 299ppi។ Watch Style ត្រូវ​បាន​បំពាក់​ដោយ​បន្ទះ​ឈីប Snapdragon Wear 2100 ហើយ​មាន RAM 512MB, និង​មាន Memory ​ទំហំ 4GB ចំណែក​ថ្ម​មាន​កម្រិត 240mAh។ នាឡិកា​នេះ មាន​តំណភ្ជាប់​ដូច​ជា Wi-Fi 802.11b, g, n និង Bluetooth 4.2 LE ​ហើយ​មាន sensor 6-Axis (Accelerometer / Gyro) និង Ambient Light Sensor ហើយ​ក៏​មាន​មុខងារ​មិន​ជ្រាប​ទឹក IP67 ​និង​មុខងារ​សាកថ្ម​ឥត​ខ្សែ​ផង​ដែរ។ LG Watch Style នឹង​មាន​ជម្រើស​ពណ៌​ចំនួន៣ គឺ​ ពណ៌​ទឹកប្រាក់ ពណ៌​ទីតាញ៉ូម និង​ពណ៌​មាស​ក្រហម (rose gold)។ ក្រុមហ៊ុន LG នឹង​ធ្វើការ​បង្ហាញ​លំអិត​អំពី​នាឡិកា​ថ្មី​របស់​ខ្លួន​នេះ នៅ​ព្រឹត្តិការណ៍ MWC ខែ​ក្រោយ។

LG Watch Sport

ងាក​មក LG Watch Sport វិញ គឺ​មាន​អេក្រង់​ទំហំ ១,៣៨អ៊ីញ​ប្រភេទ P-OLED ​កម្រិត resolution 480x480px។ Watch Sport មាន​ RAM 4GB, RAM ទំហំ 768MB, Memory ទំហំ 4GB ​បំពាក់​ឈីប Snapdragon Wear 2100 និង​មាន 4G LTE។ Watch Sport ក៏​មាន​មុខងារ​មិន​ជ្រាប​ទឹក​ផង​ដែរ តែ​ជា IP68 និង​អាច​សាកថ្ម​តាម Wireless charging។ ក្រៅពី​នេះ​វា​មាន​មុខងារ Google Assistant ​ហើយ​នឹង​មាន​លក់​ជាមួយ​ជម្រើស​ពណ៌ ខៀវ​ដិត និង​ទីតាញ៉ូម។ ទាំង​ពីរ​ម៉ូដែល​នឹង​ដំណើរការ​ដោយ Android Wear 2.0 ដូច​គ្នា៕ ប្រែ​សម្រួល៖ រឹទ្ធិរាជ ប្រភព៖ LG