មាននឹកឃើញ Nokia 3310 ទេ? លេចឮថា Nokia នឹងចេញម៉ូដែលនេះម្ដងទៀតតែទំនើបជាងមុន!
ប្រហែលជាមានមនុស្សជាច្រើននៅចាំមិនភ្លេចទេ នូវទូរស័ព្ទម៉ូដែលដ៏ពេញនិយមកាលពីជាង១០ឆ្នាំមុនមួយនេះ។ ដំណឹងលេចឮពីប្រភពគួរឱ្យជឿទុកចិត្តបាន ក្រុមហ៊ុន Nokia គ្រោងចេញម៉ូដែលនេះម្ដងទៀត។
Nokia 3310 ចេញលក់នៅលើទីផ្សារជាលើកដំបូងកាលពី ១៧ឆ្នាំមុន ហើយវាទទួលប្រជាប្រិយភាពខ្លាំងនាសម័យនោះ ព្រោះថាសម្បករឹងមាំ ថ្មប្រើបានយូរ និងមានការរចនាស្អាតដូចសម័យទំនើប។ ក្រុមហ៊ុន HMD Global ដែលផលិតទូរស័ព្ទ Nokia អាចនឹងបញ្ចេញម៉ូដែលថ្មីនេះម្ដងទៀតនៅក្នុងកម្មវិធី Mobile World Congress ដែលនឹងប្រារព្ធធ្វើឡើងនៅទីក្រុង Barcelona ប្រទេសអេស្ប៉ាញនៅចុងខែកុម្ភៈ នេះ៕
