វីដេអូ​នារី ២៧ឆ្នាំ​ម្នាក់ ​លំអិត​​លើ​ករណី​​ឆេះ​ខ្លោច Galaxy S7 ក្នុង​រថយន្ត​​​ទាំង​មិន​បាន​ដោត​សាកថ្ម​ផង​នោះ​



នារី ២៧ឆ្នាំ​ម្នាក់​នៅ​សាកលវិទ្យាល័យ Old Dominion សហរដ្ឋ​អាមេរិក ដែល​មាន​ឈ្មោះ Shaunique Lamp ​បាន​និយាយ​ថា ទូរស័ព្ទ Galaxy S7 ​របស់​នាង បាន​ឆេះ​ខូច ​ខណៈ​អ្នក​កំពុង​បើកបរ​រថយន្ត ដោយ​ដាក់​ទូរស័ព្ទ​ក្នុង​ឃ្លុប​កំប៉ុង (Cup Holder)។ វា​ពុំ​មែន​ជា​រឿង​ធម្មតា​នោះ​ទេ ព្រោះ​ពេល​នាង​កំពុង​បើកបរ ទូរស័ព្ទ​នាង​ក៏​កំពុង​ឆេះ​ហុយ​ផ្សែង​នោះ។ https://youtu.be/C7BMjvGv3CY នាង Lamp បាន​និយាយ​ថា នៅ​ពេល​កើត​មាន​ករណី​ឆេះ​ចេញ​ផ្សែង​ពី Galaxy S7 ​នាង​មិន​បាន​ដោត​សាក​ថ្ម​ទូរស័ព្ទ​នោះ​ទេ ប៉ុន្តែ​នៅ​ខណៈ​ពេល​កំពុង​ធ្វើការ​ផ្ទេរ​ទិន្នន័យ​តាម Bluetooth ​ព្រោះ​ដើម្បី​អាច​ស្ដាប់​ចម្រៀង​ក្នុង​រថយន្ត​បាន។ ឧប្បត្តិហេតុ​នេះ កើត​ឡើង​កាលពី​ថ្ងៃ​២៣ ខែ​កុម្ភៈ ហើយ Lamp អាច​គេច​ផុត​ពី​ការ​របួស​ក្នុង​ករណី​ឆេះ​ទូរស័ព្ទ Galaxy S7 ប៉ុន្តែ​នាង​មិន​អាច​គេច​ផុត​ពី​ការ​ខាត​បង់​ផ្នែក​ទ្រព្យសម្បត្តិ​នោះ​ឡើយ។ នាង​បាន​យក​ទូរស័ព្ទ​ត្រឡប់​ទៅ​ហាង Sprint ដែល​នាង​បាន​ទិញ។ ខាង​ក្រុមហ៊ុន Sprint យល់​ព្រម​ផ្លាស់ប្ដូរ​ថ្មី ប៉ុន្តែ​តម្រូវ​ឱ្យ​នាង​បន្ថែម​ប្រាក់ ២០០ដុល្លារ។

Lamp បាន​និយាយ​ថា នាង​ក៏​ចង់​ទាក់ទង​ផ្ទាល់​ទៅ ខាង​ក្រុមហ៊ុន Samsung ប៉ុន្តែ​ខ្លាច​ថា ខាង​ផ្នែក​ផលិត​របស់​ក្រុមហ៊ុន មិន​ព្រម​យក​ការ​ខូចខាត​នេះ​ទេ។ ក្រុមហ៊ុន Samsung បាន​ចេញ​សេចក្ដី​ថ្លែងការណ៍​មួយ​ថា ករណី​នេះ គឺ​ចាំបាច់​ត្រូវ​មាន​ការ​ត្រួតពិនិត្យ​ឱ្យ​បាន​ត្រឹមត្រូវ​បំផុត​ទៅ​លើ​ផ្នែក​រូបធាតុ (Physically examine) ​ដើម្បី​អាច​ដឹង​ថា តើ​មូលហេតុ​កើត​ចេញ​ករណី​ឆេះ​ខ្លោច Galaxy S7 ​គឺ​បណ្ដាល​មក​ពី​អ្វី​ឱ្យ​ប្រាកដ៕ ប្រែ​សម្រួល៖ រឹទ្ធិរាជ ប្រភព៖ phonearena
X
5s