Nokia 3310 ចេញនៅ MWC តម្លៃមិនដល់ $100 ផង ចុះម៉េច 3310 នេះតម្លៃដល់ $1700?
ការចាប់កំណើតសាជាថ្មីនូវទូរស័ព្ទ Nokia 3310 ដែលធ្លាប់ទទួលបានប្រជាប្រិយភាពខ្លាំងបំផុតអំឡុងពេលមិនទាន់មានស្មាតហ្វូនទំនើបនៅលើទីផ្សារ កាលពីទសវត្សឆ្នាំ២០០០ នោះ វាពិតជាធ្វើឱ្យសាធារណជន រំភើបជាមួយម៉ូដែលនេះ។ ក្នុងសមាជ MWC 2017 ក្រុមហ៊ុនដៃគូសហការរបស់ Nokia គឺ HMD បានសម្ពោធចេញ Nokia 3310 ស៊េរីឆ្នាំ២០១៧ ដោយមានការផ្លាស់ប្ដូរថ្មីជាច្រើន ទាំងអេក្រង់កូល័រ មានកាមេរ៉ាថតរូប និងដំណើរការដោយប្រព័ន្ធប្រតិបត្តិការទំនើបជាងមុនគឺ Noika Series 30+។ តម្លៃ Nokia 3310 នេះប្រហែល ៥០ដុល្លារប៉ុណ្ណោះ។ ប៉ុន្តែ សម្រាប់ Nokia 3310 នេះខាងលើវិញ គឺមានតម្លៃរហូតដល់ ១៧០០ដុល្លារ។ ហេតុអ្វី Nokia 3310 នេះមានតម្លៃខ្ទង់ពាន់ដុល្លារដូច្នេះ?
Nokia 3310 ធម្មតា
https://youtu.be/3hlhjGMWpYg Caviar គឺជាក្រុមហ៊ុនរុស្ស៊ីមួយដែលមានជំនាញខាងកែច្នៃផលិតផល ដោយការបំពាក់នូវគ្រោងលំអ និងមានតម្លៃថ្លៃៗ ជាក់ស្ដែង Nokia 3310 នេះ ត្រូវបានក្រុមហ៊ុនស្រោបមាស និងសារធាតុទីតាញ៉ូមទៅលើសំបកទូរស័ព្ទ។ ជាក់ស្ដែងរូបលោកពូទីន ស្ថិតនៅខ្នងទូរស័ព្ទ គឺត្រូវបានផលិតពីមាស។ ក្រោយឌីហ្សាញថ្មីរួច Nokia 3310 នេះ មានតម្លៃ ៩៩០០០ លុយរុស្ស៊ី ដែលស្មើនឹងប្រហែល ១៧០០ដុល្លារអាមេរិក៕ ប្រែសម្រួល៖ រឹទ្ធិរាជ ប្រភព៖ phonearena
