ក្រុមហ៊ុន Facebook ត្រូវគេរាយការណ៍មកថា កំពុងធ្វើតេស្តលើមុខងារថ្មីមួយ ដាក់ឱ្យអ្នកប្រើបណ្ដាញសង្គមរបស់ខ្លួន កាន់តែងាយស្រួលក្នុងការបង្ហាញការមិនពេញចិត្ត ដោយការប្រើប៊ូតុង Dislike ត្រង់ៗតែម្ដង។
ប៊ូតុងថ្មីនឹងស្ថិតក្នុងចង្កោម Messenger Reactions ដែលនឹងដាក់ឱ្យដំណើរការសម្រាប់អ្នកប្រើ ងាយស្រួលពីលើការប្រើរូប emoji ដែលបង្ហាញព្រឹត្តិការណ៍ផ្លូវអារម្មណ៍របស់អ្នកប្រើ ទៅលើមាតិកាដែលមិនចូលចិត្ត។ នៅពេលមុខងារចេញឱ្យប្រើផ្លូវការ អ្នកប្រើគ្រាន់តែ touch នៅលើសារ ក្នុងបទសន្ទនាណាមួយ នោះអ្នកនឹងអាចជ្រើសរើសរូបស្ទីលមេដៃផ្សេងៗដូចជា រូបមេដៃឡើងលើ (Like), មេដៃចុះក្រោម (Dislike) ហើយក៏មានរូប ភ្នែកបេះដូង (heart-eyes), សើច (lol), wow, sad និងរូបខឹង (angry) ផងដែរ។
អ្នកនាំពាក្យ Facebook អះអាងថា ប្រាប់សារព័ត៌មាន TechCrunch ថា មុខងារថ្មីនេះ កំពុងត្រូវបានក្រុមហ៊ុនធ្វើតេស្ត ដើម្បីឱ្យកម្មវិធីផ្ញើសារ Messenger នេះកាន់តែមានលក្ខណៈប្លែកបែបកំប្លែងជាងមុន។ សូមបញ្ជាក់ថា រូបបញ្ចេញព្រឹត្តិការណ៍របស់ Facebook ទទួលបានប្រជាប្រិយមិត្តផ្ញើចេញច្រើនពីអ្នកប្រើ ក្នុងនោះ រូបសញ្ញាបញ្ជាក់ក្ដីស្រឡាញ់មានការផ្ញើចេញរហូតជាង ៣០០ពាន់លានដងឯណោះ៕
ប្រែសម្រួល៖ រឹទ្ធិរាជ
ប្រភព៖ techspot
