ចំណុចសំខាន់ៗ៣យ៉ាង អាចជួយអ្នកសម្រេចនូវអ្វីដែលអ្នកគិតថា «មិនអាចទៅរួច»
តើអ្នកធ្លាប់ឆ្ងល់ដែរទេថាហេតុអ្វីបានជាមនុស្សខ្លះទទួលបានភាពជោគជ័យឯមនុស្សខ្លះជាប់នៅមួយកន្លែងក្នុងជីវិត? ទោះបីជាមនុស្សខ្លះបានព្យាយាមក៏ដោយ ពួកគាត់ក៏នៅតែមិនជោគជ័យ។ អ្នកដែលជោគជ័យច្រើនតែមានចំណុចរួមគឺ៖ហ៊ានធ្វើអ្វីដែលមិនងាយស្រួល។
ប្រសិនជាអ្នកចង់សម្រេចអ្វីដែលអស្ចារ្យ អ្នកក៏ត្រូវហ៊ានធ្វើអ្វីដែលលំបាកផងដែរ៖
១) មើលទម្លាប់ប្រចាំថ្ងៃឡើងវិញ៖ ចំណុចដំបូងបំផុតដែលអ្នកត្រូវផ្លាស់ប្តូរគឺប្តូរទម្លាប់ប្រចាំថ្ងៃរបស់អ្នក។ អ្នកមិនអាចសម្រេចនូវអ្វីដែលអស្ចារ្យបានឡើងប្រសិនជាអ្នកគ្មានទម្លាប់ល្អៗ។ ទម្លាប់តូចៗក៏អាចនាំអ្នកទៅរកភាពជោគជ័យបានដែរ ប្រសិនបើអ្នកព្យាយាមផ្លាស់ប្តូរវា។
២) ចាប់ផ្តើមសកម្មភាព៖ អ្នកមិនសម្រេចអ្វីបានឡើងប្រសិនជាអ្នកមិនចាប់ផ្តើមសកម្មភាព។ ប្រសិនជាអ្នកចង់សម្រេចក្តីសុបិន អ្នកពិតជាត្រូវមានសកម្មភាពឆ្ពោះទៅរកគោលដៅរបស់អ្នក។ វាអាចជាការរៀនវគ្គខ្លីៗ ចូលរួមសិក្ខាសាលា។ល។
៣) កុំខ្លាចភាពបរាជ័យ៖កុំថាលទ្ធផលទៅជាយ៉ាងណា អ្នកត្រូវហ៊ានប្រឈមមុខនឹងវា។ សត្រូវដ៏ធំបំផុតរបស់មនុស្សយើងគឺខ្លាចភាពបរាជ័យ វារារាំងមនុស្សមិនឲ្យដើរទៅមុខ។ ប្រសិនជាអ្នកចង់ជោគជ័យ អ្នកត្រូវហ៊ានប្រឈមមុខនឹងវាពីព្រោះថាពេលខ្លះអ្នកមិនអាចទទួលបានភាពជោគជ័យភ្លាមៗឡើង អ្នកប្រាកដជាជួបប្រទះនូវភាពបរាជ័យខ្លះ៕
ប្រែសម្រួល៖ អឹុង មុយយូ ប្រភព៖ www.lifehack.org
