​កាល​ពី​ពេល​ថ្មី​ៗ​កន្លង​ទៅ​នេះ​ ក្រុមហ៊ុន​ Apple ​បាន​បង្ហាញ​ម៉ាស៊ីន​យន្ត​ថ្មី​មួ​យ​មាន​ឈ្មោះ​ថា​ Liam ​ដែល​មាន​មុខងារ​កម្ទេច​ iPhone ចាស់​ៗ​ដើម្បី​យក​គ្រឿង​ក្នុង​ដែល​មាន​តម្លៃ​ទុក​សម្រាប់​ផលិត​ ឬ​ប្រើ​ប្រាស់​ឡើង​វិញ។ ​ក្នុង​របាយការណ៍​មួយ​ដែល​ចេញ​ផ្សាយ​ដោយ​ក្រុមហ៊ុន​ Apple កាល​ពី​​ចុង​ខែ​កុម្ភៈ ​បាន​ឱ្យ​ដឹង​ថា​ ម៉ាស៊ីន​យន្ត​ថ្មី​នេះ​​គឺ​ត្រូវ​បាន​ដាក់​ឱ្យ​ដំណើរការ​នៅ​​ California និង​ហុឡង់ដ៍។ ​ក្នុង​ពេល​ដែល​ធ្វើ​បទ​បង្ហាញ​នោះ​ ក្រុមហ៊ុន​ Apple ​បាន​ប្រកាស​ថា​ ​ម៉ាស៊ីន​យន្ត​នេះ​អាច​កម្ទេច​ iPhone 6 ១.២​លាន​គ្រឿង​ក្នុង​រយៈ​ពេល​មួយ​ឆ្នាំ​ ហើយ​​​ម៉ាស៊ីន​ពីរ​អាច​កម្ទេច​​ទូរស័ព្ទ​បាន​ច្រើន​បំផុត​ប្រមាណ ​២.៤​លាន​គ្រឿង​ក្នុង​មួយ​ឆ្នាំ។ ​ Apple បាន​សរសេរ​ដូច្នេះ​ថា​ ៖«​ក្នុង​ចំណោម​ទូរស័ព្ទ​ ១​ម៉ឺន​គ្រឿង​​ដែល​បាន​កម្ទេច​ ក្រុមហ៊ុន​អាច​ទាញ​យក​មក​វិញ​បាន​នូវ​អាលុយមីញ៉ូម​ ១៩០​គីឡូក្រាម​ ​ស្ពាន់​ ៨០​គីឡូក្រាម​ មាស​ ០.១៣​គីឡូក្រាម ​ផ្លាទីន​ ០.០៤​គីឡូក្រាម ​​ប្រាក់​ ០.០៧​គីឡូក្រាម​ ​សំណប៉ាហាំង​ ៥.៥​គីឡូក្រាម និង​រ៉ែកម្រ​ប្រមាណ​ ២.៤​គីឡូក្រាម​ទៀត៕ ​