បន្ទាប់​ពី​បាន​ប្រកាស​សម្ពោធ​កុំព្យូទ័រ​សមត្ថភាព​ខ្លាំង​ខាង​ហ្គេម​ Legion Y520 កន្លង​មក ពេល​នេះ ក្រុមហ៊ុន Lenovo ​បាន​ធ្វើការ​ដាក់​លក់ Gaming Laptop នេះ​នៅ​លើ​ទីផ្សារ​ហើយ ក្នុង​តម្លៃ​ចាប់ពី ៩២០ដុល្លារ​ប៉ុណ្ណោះ អម​ដោយ​លក្ខណៈ​សម្បត្តិ​ខ្ពស់ ​ប្រើ​បន្ទះ​ឈីប Intel Core ជំនាន់​ទី៧ ក្រាហ្វិក NVIDIA GTX 1050 Ti។ https://youtu.be/QqlPzb-FCcM កុំព្យូទ័រ Gaming Laptop ​ស៊េរី​ថ្មី Legion Y520 របស់​ក្រុមហ៊ុន​ចិន​នេះ ​បាន​បំពាក់​អង្គ​ប្រតិបត្តិ​ជំនាន់​ទី៧ របស់ Intel Core ​គាំទ្រ​ក្រាហ្វិក NVIDIA GTX 1050 Ti discrete ​និង​មាន​ប្រព័ន្ធ​សំឡេង​គុណភាព​ខ្ពស់ premium audio ​និង​មាន optional dual drive storage។ កុំព្យូទ័រ Gaming Laptop ស៊េរី​ថ្មី​នេះ ត្រូវ​បាន​ឌីហ្សាញ​ឡើង​មាន​សមត្ថភាព​ខ្ពស់ សម្រាប់​ប្រើប្រាស់​ក្នុង​ការ​លេង​ហ្គេម​មាន​ក្រាហ្វិក​ធំៗ​ក្រោយៗ។

ក្រុមហ៊ុន Lenovo បាន​ពន្យល់​ថា៖ ម៉ាស៊ីន Y520 ​បាន​ភ្ជាប់​មក​ជាមួយ​អង្គ​ផ្ទុក​ទិន្នន័យ​ប្រភេទ PCIe SSD ​ទំហំ​ដល់ 250GB ឬ HDD ទំហំ​ដល់ 2TB ឬ​ក៏​អាច​ប្រើ​ជម្រើស hybrid storage ​ក៏​បាន។ Gaming Laptop នេះ​បំពាក់​ដោយ CPU ​Core i7 ​ជំនាន់​ទី៧ ​ដែល​មាន​ល្បឿន ១២% ​លឿន​ជាង​ជំនាន់​អង្គ​ប្រតិបត្តិ​មុន​សម្រាប់​ផ្នែក​ផលិតភាព ​ហើយ​ល្បឿន​លឿន​ជាង​មុន​ក្នុង​ផ្នែក​វែប (Web) ១៩% ។ លក្ខណៈ​ពិសេស​ផ្សេង​ទៀត គឺ​វា​រំលេច​ដោយ keyboard មាន​ភ្លើង backlit ពណ៌​ក្រហម។ ខាង​ក្រោម​នេះ​គឺ​ជា​ជម្រើស​តម្លៃ​ផ្សេង​គ្នា​ទៅ​តាម​លក្ខណៈ​សម្បត្តិ​ខ្ពស់​ទាប៖ -Lenovo Legion Y520 80WK001KUS Core i7-7700HQ, GeForce GTX 1050 Ti, 16GB RAM, 2TB HDD + 256GB SSD — $1,249.99 (list price $1,250) -Lenovo Legion Y520 80WK001MUS Core i7-7700HQ, GeForce GTX 1050 Ti, 16GB RAM, 1TB HDD + 128GB SSD — $1,179.99 (list price $1,180) -Lenovo Legion Y520 80WK001LUS Core i5-7300HQ, GeForce GTX 1050 Ti, 8GB RAM, 1TB HDD — $919.99 (list price $920) ប្រែ​សម្រួល៖ រឹទ្ធិរាជ ប្រភព៖ Lenovo