iPhone 8 ត្រូវ​បាន​បណ្ដាញ​ព័ត៌មាន​ជាច្រើន ហ៊ាន​អះអាង​ថា នឹង​កាន់តែ​ទំនើប​ជាង iPhone 7 ​ពិសេស​គឺ​នៅ​លើ​ការ​ឌីហ្សាញ​រូបរាង​ថ្មី​ប្លែក​ពី iPhone បច្ចុប្បន្ន​តែម្ដង។ អ្វី​ដែល​សាធារណជន​កំពុង​អ៊ុត​មើល​ថា តើ​នឹង​មាន​នៅ​លើ iPhone 8 ឬ​អត់​នោះ គឺ​ប៊ូតុង Home, ការ​ឌីហ្សាញ​ផ្នែក​មុខ​ស្ទើរ​គ្មាន​គែម​អេក្រង់, បច្ចេកវិទ្យា​សាកថ្ម​ឥត​ខ្សែ ឬ​សាកថ្ម​រហ័ស (Quick Charge) ជាដើម។ ខណៈ iPhone ជំនាន់​ទី ១១ នេះ មិន​ទាន់​បង្ហាញ​ខ្លួន​ផ្លូវការ ប៉ុន្តែ​មាន​ការ​ឌីហ្សាញ និង​បង្ហោះ​ចេញ​គំរូ iPhone 8 ជាច្រើន ដែល​មួយ​ៗ​សុទ្ធតែ​ធ្វើ​ឱ្យ​សាធារណជន​មាន​ការ​ចាប់អារម្មណ៍​យ៉ាង​ខ្លាំង។ ជាក់ស្ដែង​គំរូ​ iPhone 8 ​មួយ​ទៀត​ហើយ ត្រូវ​បាន​បង្ហោះ​​ផ្សាយ​នៅ​លើ​គេហទំព័រ macrumors។ https://youtu.be/RrlrLn-ySDg   សូម​បញ្ជាក់​ថា តាម​ការ​ចុះផ្សាយ​នៅ​លើ​គេហទំព័រ techspot កន្លង​ទៅ​ឱ្យ​ដឹង​ថា iPhone 8 ដែល​ល្បី​ថា នឹង​ប្រើ​អេក្រង់​ប្រភេទ OLED ផលិត​ដោយ​ Samsung គឺ​ជា​ម៉ូដែល ៥,១៥អ៊ីញ។ iPhone 8 ថ្មី​នេះ នឹង​មាន​លក្ខណៈ​ខុស​​ពី​ម៉ូដែល​ផ្សេងៗ​ដោយ​វា​នឹង​គ្មាន​​ប៊ូតុង Home នោះ​ទេ។ iPhone ដែល​ប្រើ​អេក្រង់ OLED អាច​មាន Resolution ទំហំ 2800x1242px ​ហើយ​ប្រហែល​ជា​គ្មាន​​ប៊ូតុង Home ​នៅ​ផ្នែក​ខាង​ក្រោម ដូច​ស៊េរី​មុន​ទៀត​ទេ ពោល​គឺ​វា នឹង​ក្រាល​បន្ទះ​ស្កេន​ក្រយៅដៃ TouchID នៅ​ក្រោម​កញ្ចក់​អេក្រង់​តែម្ដង (Virtual Button)។

អ្នក​ជំនាញ​ខាង​វិភាគ​របស់ KGI Securities ​លោក Ming-Chi Kuo បាន​លើក​ឡើង​ថា វា​អាច​ពុំ​មែន​ជា​ប្រភេទ TouchID ដូច​មុន ប៉ុន្តែ​ជា​បច្ចេកវិទ្យា​ស្គាល់​ជីវមាត្រ​បាន​ច្រើន​ជាង​មុន ឬ​អាច​បំពាក់​បច្ចេកវិទ្យា​ស្កេន​ប្រស្រី​ភ្នែក​ក៏​ថា​បាន។ តាម​សេចក្ដី​រាយការណ៍​មុនៗ​ឱ្​យដឹង​ទៀត​ថា iPhone 8 ចេញ​ក្នុង​ឆ្នាំ​នេះ នឹង​មាន​តម្លៃ​ថ្លៃ​ជាង​ជំនាន់​មុនៗ ពោល​គឺ​អាច​មាន​តម្លៃ​ខ្តង់​​ជាង ១ពាន់​ដុល្លារ​ឡើង​ទៅ៕ https://youtu.be/-N1pBNpTe-s https://youtu.be/2XwjQOJlhxI ប្រែ​សម្រួល៖ រឹទ្ធិរាជ ប្រភព៖ macrumors